昨天,我睇報紙發現錢是對香港女性有莫名其妙的吸引力,愛一個人不是因為有愛情的感覺,而是因為佢有錢,愛情反而排第二,難怪香港人會為錢出賣自己的地方。為什麼香港女人思想為何會咁奇怪?愛一個人,明明不應該計較其出生和家庭背景,只是計較大家一齊有無愛的感覺。其實原因好簡單,社會之所以有咁既情況出現,政府是主因。

你一定會諗,你啲憤青,乜都怪政府…..,下刪一萬字。無錯,一個社會的問題,很多時都同政府有關,而今次都唔例外,一個功利的社會,通常都有一個功利的政府,互相配合先會造成今日的局面。由小到大,返學不是求知識,是諗點樣考試拎高分,點解會有咁嘅情況?因為政府的教育政策,完全偏向考試,以前廣告話求學不是求分數,我相信諗個條友連自己都説服唔到。政府設定這樣的遊戲規則,由小到大灌輸依個價值觀,長大後就將分數變成金錢。但點解要咁做?就是因為想你做一個愚民,將人民集中力轉向搵錢,政府就算亂來,大部分人都會睇錢份上而容忍,從而達致長治久安的目標。但同愛情又有咩關係?我相信大家一定有聽過,某姨媽姑姐個女同一個有錢佬結婚,跟住就會有人話,你個女咁厲害,嫁到個有錢人,真是令人羨慕。

當社會有一些行為是會令人得到讚賞,甚至好處,自然就會有好多人做。例如美國,如果你去救一個和你互不認識的人而受傷,你是會得到各界讚揚,甚至上報紙,得到很大的回報。而又因為上述政府的政策,培養出大量貪錢的香港人,女性就以和一個有錢的男人結婚作為目的,男性就以搵錢為目的,成為有錢人和女性結婚生活。依個就是普遍香港的現況,所以你溝唔到女是正常,你無一定的社會地位,好難搵到人同你一齊。

但假如你想打破依個局面,你要做的不是瘋狂OT,或者去搵份高人工的工作,造成今日的局面是政府,為咗保護自己的權力和地位,因而造成咁既情況出現。但是,可以點改變呢?香港政府是師承鄧小平的不管黑貓和白貓,捉到老鼠就是好貓的搵錢至上的管治形式,我地一日受中共底下,一日都唔會變,因為中共當年正正用咁嘅方式,保護了中共沒有倒台。所以,除非可以脫離中共政府的管治,建立一個自己的政府,如果唔是,香港極端拜金的價值觀是不會消失的。