近排在澳門網上流傳得最熱鬧既,有兩樣野;其一就是讚揚香港馬會六合彩四十週年的偉大,在網上發著一堆投胎劵。其次則在鬧爆一篇疑似香港人寫的「澳明生藩不要搞亂香港」文章,引起廣大討論,澳人都急不可待的切割、跳牆、分享以顯示自己對澳門的鍾愛,景象忙碌萬分。什至有不少評論人藉此等炒作抽水兩句,包括我自己。我不認為借生藩澳豬論引發澳門廣大市民留意山體係有錯,但又有冇人能夠控制好已被打開既潘朵拉盒子呢?對唔住,我暫時見唔到有⋯要鬧澳門鬧到佢地肯關心社會,退一百萬步諗,你不如話企出來阻止拆山下年有機會派萬二蚊仲會來得容易。

作為澳門人,見到標題咁樣樣,本來不以為然,但閱畢文章、留言後,我真係以為澳門開動物園既;各式各樣,無其不有。但下個月開始,澳門就會連最後一片綠意都玩完,所以澳門想轉型做動物園確係好選擇,大家都知動物園唔可以單靠花草樹木就成事,動物才最重要。當中充滿著千其百怪的留言,充滿漫罵、仇恨、瘋狂、毒罵,像怨婦殺價一樣,街市入面既肉類分割員見到佢地都會嫌自己身上散發的豬味未夠臭。一篇文章帶比大家既,就係對澳門質素一覽無遺,絕對充滿愛與激情。又一次零成本,愛與和平的發揮了澳門人的團結,教人感動。

有人問我睇完文章點會唔嬲?左一句生藩,右一句澳豬⋯我望住佢手舞足蹈,我都只有點頭陪笑,因為我知道對號入座的壞處,對於別人睇法,我唔會過分代入,澳唔澳豬亦唔係一個兩個人說了算。至於睇文睇到一半就偷偷click入facebook隱藏自己當日分享那篇帖文既朋友,狗急跳牆唔係壞事,但分享過,就無必要隱藏啦。

不過其實人無分貴賤,豬無分肥瘦,藩無分國界,大家無必要係人、豬、藩前面加個「澳」字就太大反應啦⋯覺得自己係人既,就繼續好好做好自己,談笑風生。做豬做好好訓覺,唔好不時跳上道德高台,各打五十大板。做藩就繼續做藩群中認為對的事,努力做,認真做,繼續做!做人做豬做藩唔係人地講兩句就得,從來決定權都係自己手中。