我係其中一名於旺角警察暴動嘅被捕者。

香港係一個繁星照耀嘅土地,盛載東西華洋,有著各土各地嘅文化;有人會話香港人都係難民,香港人係冇根嘅,我會話:我地嘅根就係響往自由既心。

大年初一,黑警以武力破壞國土文化,大逆不道,甚至企圖以火器槍殺人民,唔好同我講咩警察都係聽命令,你媽媽的!你有自由意志嫁,你地黑警除左識用黎呃蝦條之外,仲識咩野?或者我講清楚啲,香港係有好警察既;訓臭格既時候,的確有一個警員當我地係人咁看待。一個!得一個咋!既然你作為專制嘅一部份,你就要為你嘅選擇負出代價。

依幾日好多人關心我嘅情況,我明白到香港係有義氣嘅國家。咩野係「義」?義嘅意思,就係自我獻身,推己及人;「義」係抗爭者心靈必需嘅燃料,無「義」之人不可能領導變革。第二樣香港人需要嘅係「力量」,「力量」包括財帛、兵力、武器同科技,香港人必需隨時都要準備好起義,所以香港嘅弟兄姊妹,你地要强身健體,讀多啲書,為未來要面對既做好準備;最後,真香港人要團結起黎,缺乏合作,缺乏組織,我地只會係一盤散沙。

我身邊嘅人都不停幫我搵我嘅無罪證明,但就算冇罪,我流過嘅血就係流左,你地想幫我討回公道,唔係去幫我證明冇罪,而係準備好最後一戰,幫我地報仇雪恨。我相信香港人嘅可能性,但我真係要休息,不過我係一個戰士,我一定會準備好,然後捲土重來,同大家並肩作戰。

最後在此祝各位兄弟武運昌隆,褔星高照,戰勝歸來。