面對支那國既入侵,香港既文化正面臨嚴峻既滅絕危險!

首先要係依到定義何謂香港文化。就我個人而言,香港文化係指香港人的生活方式,即係香港人日常生活係用D乜野。舉吓例子,香港文化包括咗粵語、正體字、香港電影、Cantopop、地道美食等等。

或者你會問,點解係「滅絕」,而非「死亡」。咁首先你要搞清楚個概念,「滅絕」同「死亡」完全係兩碼子既事,兩者不能一概而論。「死亡」同「滅絕」,前者都可以話有「置於死地而後生」既情況出現,但係後者就可悲得多,係並沒有再生既可能。簡單D講,「死亡」即係一個家族有個死淨種,但係他朝一日個死淨種都仲可以光復自己既家族;但係「滅絕」就係冚家鏟,全家上上下下包埋隻狗都死清光。

而香港文化最有滅絕危機既並非香港電影,Cantopop,而係我地日常既溝通媒介,亦即粵語同正體字。

政府近年一連串既政策,如普教中,學簡體字,如果我地換個字眼去講,其實即係推普廢粵、推簡廢正。政府要令到現今既香港文化徹底消失,咁樣顯然係文化滅絕之舉。

而當香港政府有如此行徑,弊處無數,現擇其二。一是香港會同大陸接軌,二是令港人居於劣勢。

先講第一點,同大陸接軌。唔知由幾時開始,香港既用字慢慢地被赤化。伊波拉病毒變咗做埃博拉病毒,短片變咗做視頻,美國州份既譯名開始同大陸一樣,就連魚蛋都變成魚肉丸子。如果係咁既情況下,香港政府繼續推行推普廢粵、推簡廢正既政策,就會大大加快香港赤化既速度,削弱香港人自身價值,結果唔洗等五十年,香港就會由香港特別行政區變成中国香港省。

第二,令港人居於劣勢。簡體字,普通話都係大陸人既溝通媒介,如果香港以簡體文、普通話取代正體字、粵語,變相會做成大陸人佔優,香港人失勢。舉例以引證之,本來大陸小學既數學程度係高於香港小學,所以每當有大陸學生去到香港讀小學,佢地既數學成績往往會高於香港既學生,從而做成不公。當如果他朝香港真係全面推行普教中以及學簡體字,上述情況就會換湯不換藥地轉移到中文科身上。而事情不單如此,更係會有進一步失衡既可能。因為升中既呈分試係依照你小學既成績來到評估你應該升讀邊一個Band既學校。如果係咁,大陸學生就會係有兩科優勢下,相對比較容易地入到較好既中學,而香港學生或要讀無咁好既中學。而依個情況會慢慢蔓延至大學,以至社會。

香港曾經有套由陳小春,湯盈盈主演既電影叫《生化壽司》,依套戲除咗公映時既結局外,仲有另一個隱藏結局。個結局係點係你自己睇,但係據導演所講,依兩個結局都係喻意港人命運。到底你係想做公映結局個個陳小春,定或是隱藏結局個個陳小春,你自己揀。而我,兩個都唔想。

(對抗赤化,你我有責,香港政府依加對中小學生學簡體字進行緊諮詢,諮詢期至2月15日http://bit.ly/1PW8vZN。還望港人能以你地既身軀,化身成一道保護香港學生既城牆)