如果想係bar度坐下飲下酒,又想靜d同朋友吹下水,又可以食好(東)西既話,小編就有個好介紹!

今次要介紹既係充滿七十年代感覺既 “pizza bar" (灣仔駱克道53-55號恆澤商業大廈)係灣仔站C 出口, 行經好多好嘈既bar,步行約4分鐘向住金鐘既方向一直行就會到~

圖片來源: Openrice

圖片來源: Openrice

唔好講咁多,拿拿聲入去坐低嗌野食嚕~ (行到落去留意下有一個好懷舊復古既舊唱機)

小編時來風: 行到落去留意下有一個好懷舊復古既舊唱機

小編時來風: 行到落去留意下有一個好懷舊復古既舊唱機

打開menu,除左好多野食之外,就係好多野食……

小編就推薦大家,嚟到pizza bar,就一定要試下pizza,小編就嗌左海皇星百勝批,個批底加咗啤酒嚟整, 呢種香味係出面食唔到。佢d Pizza比較薄,相比pizza hut既pizza佢足料好多,真係有隻蝦係上面,而唔係得蟹柳個d頹料。而且佢既pizza 有分3個size: Mini, Regular, Family。由小編經驗所得,如果兩條友Mini就夠,帶4個朋友就可以嗌regular (不過都視乎各人胃口而定)

小編就嗌左海皇星百勝批,個批底加咗啤酒嚟整, 呢種香味係出面食唔到

小編就嗌左海皇星百勝批,個批底加咗啤酒嚟整, 呢種香味係出面食唔到

呢個係蜆肉意粉,真係大大碟~
小編估計佢應該用橄欖油炒,所以好香,蜆肉都好足好入味!另外,海鮮意粉辣辣地都唔錯的!

小編估計佢應該用橄欖油炒,所以好香,蜆肉都好足好入味!

小編估計佢應該用橄欖油炒,所以好香,蜆肉都好足好入味!

呢個係芝士椰菜焗帶子,食太多肉都係嗌番個菜。D薯容焗得岩岩好,帶子大大粒,連埋d芝士食真係好正!

呢個係芝士椰菜焗帶子,食太多肉都係嗌番個菜。D薯容焗得岩岩好,帶子大大粒,連埋d芝士食真係好正!

呢個係芝士椰菜焗帶子,食太多肉都係嗌番個菜。D薯容焗得岩岩好,帶子大大粒,連埋d芝士食真係好正!

好喇,泥到酒吧點可以唔飲酒?呢度有齊好多Cocktail 同啤酒(Hoegaarden、Stella Artois、Guinness呀乜乜乜個d),仲有普通檸檬茶都有的。
不過,小編就覺得Pina Colada最好飲最易入口,溝得好夾 (椰子味既酒)(因為係女人所以飲女人酒囉)

Cheer!

Cheer!

呢個係baked Alaska 火焰雪山,食落好似棉花糖咁,又有d酒圍係碟邊,面皮脆脆地,幾特別!(呢個大概200蚊左右,如果有朋友生日都可以一試~)

baked Alaska 火焰雪山

baked Alaska 火焰雪山

Pizza bar真係一個同朋友吹水,啤啤佢,食好西既好地方!有足夠既卡位同埋大枱,可以留位,價錢每樣大概80-100蚊,同幾個朋友一齊share完全冇問題。

P.S 雖然好多好野食,不過有個菲律賓炸乜乜係大伏泥!
食完有coupon送的話,可以用泥下次食小食。

Openrice 連結