最近政治新聞不絕,立法會好似未停過一樣會議日日開咁濟。而建制同政府官員喺面對鏡頭果陣都喺例牌叫泛民唔好拉布,唔好阻止議案通過,講到唔贊成嘅人就係同香港過唔去一樣。其實細細個我就知道乜野都有正反兩面,同時正唔一定喺正義,反都唔一定喺反派。但唔知大家睇得TVB太多定睇英雄式漫畫多嘅關係,好似一聽到個反字就覺得代表住唔好或者衰嘢,乜都要支持同贊成先叫幫到手。其實當一樣嘢拎得出黎要討論佢好唔好就代表佢有爭議嘅理由,好多人都話唔好為反而反,但我好似冇乜聽過人講政府喺為撐而撐。好嘢當然要支持,但冇益嘅否決左佢先唔會繼續危害香港,唔係一味投贊成票先叫做到野,最重要喺睇件事係咪真喺值得。

獨立思考嘅好處就係你識自己去諗件事喺好定唔好,你又應該支持定喺反對,而唔係政府話乜你就信乜。如果立法會上冇一個人有獨立思考,個個都係政府話點就點嘅話其實我唔知立法會仲要嚟做乜。投票都唔洗啦,冇人反對實會通過啦係咪先?好嘢自然有人支持喺不變定律,一個爛橙你點落力宣傳都改變唔到佢喺一個食唔落肚嘅爛橙。政府嘅方案都一樣,你喺對市民好對香港好嘅建議香港人歡迎都嚟唔切啦,你試下你聽日話停止接收單程證吖,我保證你個提議會大比數通過(建制派唔理你投嘅喺乜,只要政府提出一定撐,就算政府個法案喺要建制派每日食屎都好)。政府成日覺得咁多人同佢作對喺因為班人身痕冇嘢做,但其實出問題嘅喺個方案本身,所以就算你點HARD SELL都好,你一日唔改個方案甚至換左佢,一日都會見到有人用盡一切方法反對。

上面我講嘅係假設政府真係弱智到連自己出左咩問題都唔知,不過我相信香港政府雖然喺弱智,但佢好清楚自己HEAD SELL嘅嘢對香港有幾大影響。若果政府知道自己賣緊嘅喺爛橙都仲夠膽放出嚟賣,可能性只有兩個:一喺佢將個爛橙包裝得好好冇人發覺到,但好明顯唔係;一喺佢知道香港人仲弱智過政府。佢深知有一班為左蠅頭小利連爛橙都照食不誤嘅人,而依班人又正正掌握左控制香港政局嘅力量,所以佢就可以正言順咁迫香港人食一個又一個爛橙,仲話唔食嘅你喺阻住哂,對拒絕食爛橙嘅你講一句有權唔好用到盡。世上總有賤人,對於香港政府有咁嘅態度我唔覺得奇怪,我只係驚訝仲有一大班香港人對於自己就黎要食咁多個爛到生蟲嘅橙不聞不問,好似未比人質到落口都唔知驚咁。COME ON,平時你比人鬧一句食屎都識嬲啦,而家人地真喺要你食你反而扮睇唔到,甚至仲有人覺得自己應該支持人地迫自己食屎?

反唔只喺代表反派,仲有代表反對。而反對唔一定係壞事,正如細細個廣告都有講「比人侵犯要即刻叫唔好」,反對都係一種自我保護嘅抗議行為。當有時會影響到自己嘅生活,當有時會不利香港日後發展,我地都應該叫唔好,然後一齊對種種惡意作出抗議。正正因為咁樣立法會先有存在價值,香港人先會迫求自由,你明未?

一個讚好,是對我的一點支持。
如果想分享給其他朋友的話,請標明出處並附上專頁網址。
FACEBOOK:https://www.facebook.com/MaoYanDe
TUMBLR:http://moyinday.tumblr.com/
Fanpiece:http://women.fanpiece.com/moyinday/
圖片來源:網絡取材,後期加工。