吾自幼已有每逄外出就要去廁所既習慣,而每當我有咁既情況出現時,家母都會話我同隻狗冇分別。但係正因如此,所以本人亦對何謂高質公廁有一套獨特見解。一個高質既公廁必需係:氣味,廁紙以及環境依三點都有優質既處理。依三點本人稱之為廁所鐵三角。

先講廁紙。首先一個公廁一定要有提供廁紙先,有若干商場既公廁係冇紙巾提供(eg屯門栢麗廣場),此等情況會對如廁人極為不便。再者就係廁紙既質素,曾有人言「一張廁紙一條底褲都有佢既用途」,而一張廁紙既用途就係當完成一個艱鉅既任務後為菊花進行清潔,並呵護該朵小花。而一張好既廁紙就要有如太極般「剛中帶柔,柔中帶剛」。堅硬得來又唔會刮傷小菊花,柔軟得來又要唔易穿。如果有一個廁所提供d紙巾,瞬即可以加佢五十分。

再談氣味。一個高質既公廁必定不能有異味,因為異味會影響廁所使用者既觀感,妨礙如廁人解放時暢快之感。而在異味當中最惡頂者必為"尿壓味"。此等異味其臭無比,必然地出現係男廁,因為只會得男人屙尿會屙出界(雖然本人中學時曾有傳聞女廁地下有尿漬),而佢最惡頂既地方在於佢會「澆樑三日」,無論你係進行大或細既解放,佢都會好似狗公圍女神咁包圍你,依種咁恐怖既情況多數出現於政府旗下或是較舊既商場既公廁。相反地,一個好既公廁理應配備空氣清新劑,除咗可以有效清潔異味外,仲可以令如廁者係解放時有如置身於大自然中,屙都屙得舒服d,不過係一方面又有野要留意,就係千萬不能使用過量既空氣清新劑,皆因咁會有失自然,並且對身體唔好。

最後,都係最重要既,就係環境。一個公廁既環境對如廁者既影響就係最深。首先就要由道門(指行人通道至廁所o個道門)開始講起,一個高質既公廁最好就冇門,自動門則次之,要用手去開者為最劣也。因為一個高質既公廁應以用雙手接觸最少地方為原則。雖然政府教育香港人好多年,但係都係有好多人係去完廁所唔會洗手,當佢地以佢雙污染手接觸到門既時候,佢手上既細菌就會隨佢雙手帶到門上,如果係依個時候你再用手去開門,你雙手就會沾染咗細菌,姐係你洗手都係冇鳩用。我稱依個原則為「最少原則」。依個最少原則同樣適用於水龍頭上,一個高質既水龍頭應該要配備自動感應系統,要用手去開水既已經可以扣佢五十分。除此之外,一個廁所仲應該注意佢既地板既濕滑情況,過濕就會濕到人仆街,更重要既係地板過濕會令人有種「哇屌,依個廁所好污穢喎」既感覺。

除咗以上三點外, 一個公廁既好壞仲可以有額外既加分位。如果一個公廁佢會播音樂,足以證明佢非常細心,因為係你解放既同時,音樂可以調劑你既心靈,並且可以令你唔洗聽到附近,同你一齊解放既戰友既解放聲(當然有變態佬鍾意屙屎屙到人地都聽到咁就另計啦)。另外如果一個廁格夠寬敞都係一件十分美好既事。係現今既公廁既廁格大多都十分狹窄,令人難以使出一招「華麗轉身」,如果你咩住個書包,要轉身更加可以話係難上加難,所以如果一個廁格可以大d,真係會令人方便好多。

公廁,係人類解放既地方(所以蝗蟲唔會去公廁),如果一個地方既公廁做得好,真係會令人想坐耐d,如果有幸比商場既設計師睇到我篇文架話,請你地比d心機做好d個廁所。最後我希望可以係依到同政府講句:屌你老味!政府d公廁真係好撚污穢好撚臭好撚惡心啊仆街!!!!!!!