冇可否認,電音好多都係dance music(基本是都係等於),好多人都覺得clubbing播呢啲就等於聽呢啲就會clubbing,查實呢就絕對唔係嘅。

啲人成日話:唔去玩點會聽到呢啲歌架,咁不倫不類又冇內涵。其實呢就真係唔關事,舉個例子,健身嘅人多數都鍾意聽好勁beat嘅歌,再唔係跑步都一樣,有個beat有個拍子跟住會順啲同埋流汗好澎湃嘛。

至於電音,我諗好多人應該都同我一樣,鍾意佢冇歌詞同夠high。歌唔應該比歌詞局限住,每次聽歌個腦都要load下首歌講咩真係好費神,一個唔好彩你啱啱同另一半分手,又咁啱播到啲失戀歌——仆街出事。又諗起幾唔開心自己幾慘,再嚴重啲就喊一輪,就係咁好成功咁自虐一番。

電子音樂好少歌詞,有嘅都係冇乜意義鳩叫幾聲(當然凡事冇絕對),正囉唔使思考,淨係個腦fingfing下,hignhign地,果種感覺輕飄飄好似雀仔自由飛翔咁,腦入面一片空白可以比個人抖下,休息下咩都唔理唔諗。對我黎講,坐喺到聽電音係真正嘅relax。

個個人都唔同,可能你鍾意跑步做運動;可能係寫下文放下屁鳩up,而我呢,就真係好享受乜都唔做聽電音。講到尾都係唔想啲人成日覺得聽電音就好負面好MK好蒲。牛春我,絕對係個百份百毒撚,最鍾意就係一個人,club都未落過。咩啊!毒撚唔聽得電音咩?