懶人廚房，故之言懶，但並唔係hea！！
香港人生活一般都好忙，成日都要食公仔麵等速食既野，所以懶人廚房希望教到大家可以好輕鬆簡單咁整到好野食，唔洗再食杯麵。
今次係教大家整咖哩蛋包飯！
材料:
蛋：兩隻
飯(最好隔夜飯)：半碗至一碗
咖哩汁 (由於時間既關係同懶，所以用咖喱屋，可在759阿信屋/EON買)
（睇唔睇到材料既準備真係好簡單！！因為飯同蛋係屋企通常都必備的，所以要特別買既都只係咖哩汁。）
做法：
1. 最好係前一日先預先準備好飯，因為隔夜飯拎泥煮蛋包飯會好食d(好似係)，叫呀媽前一日煮多幾粒米啦。
2. 將兩隻蛋發起，再放落煎pen度煎佢一陣，最好等佢熟多少少
3. 見到熟多少少就放d飯落蛋既中間
4. 將其中一邊既蛋包去另一邊
5. 煮熟d咖哩汁
6. 將d咖哩汁淋落蛋包飯度
7. 完
實戰如下：
蛋：兩隻
將兩隻蛋發起
放發好的蛋落個鍋度
係呢個咁上下熟既情況下，可以準備落飯
盡量將d飯放係中間
將其中一邊既蛋反去另一邊
係你等梗隻蛋熟既時候，可以準備一下個咖哩汁。
呢隻咖哩屋有幾隻唔同辣味，今次揀左「中辛」。
有兩個方法可以煮熟d咖哩汁，一個係連成個袋放，另一個係倒落煲或者微波爐度，小編覺得全袋滾佢比較方便同唔會煲小左d汁。滾佢3－5分鐘就可以拎上嚟。
最後，就係倒d咖哩汁落個蛋包飯度。咁小編就落左自己屋企種個d薄荷葉落去，感覺食落唔會太膩。
P.S如果想再高級d，可以買黑松露代替咖哩汁，可以仲香。
另外，可以加一d西蘭花或者三色豆作配飾，同落d芝麻醬或者茄汁或者芝士係面頭作調味。