spp02x11081115
經歷過無數英倫前鋒早熟早殘既例子,作為一個十年英超既見證人,我已經唔多敢再對英倫前鋒有過份既期盼。
2222
幾驚哈利簡尼唔係俾人鏟斷對腳,就係俾英超後衛睇通睇透佢既路數。為咗睇佢,我挨夜走去睇U23歐洲國家杯,睇足三場英格蘭既賽事,最後英格蘭隊都係小組出局,而且無緣出年既奧運足球賽,哈利簡尼冇所斬獲,表現只能講係中規中矩。
2016 UEFA European Championship Qualifying Group E England v Lithuania Wembley Stadium, Wembley, London, United Kingdom - 27 Mar 2015
年輕人,真係要好好把握好每一次大賽經驗。喺有限既青春當中極可能去綻放自己既光芒,哈利簡尼舊年都仲係一個冇人識既小夥子,家陣變成係冇人唔識既超新星。
Dean-Ashton_2-750x400
後生猶如艾殊頓、戴倫賓特、安祖莊臣、安祖卡路爾等人,年長猶如格蘭賀特、列基林拔、森莫拉、高治等人,邊個未試過一季/半季爆紅?但最後能夠keep住勢頭既冇幾多個,係呀,仲有好多半紅不黑既例子,艾殊利楊格、艾朗連儂、艾邦拉荷……有排數,好命既可以好似祖高爾咁,球會同國家隊都撈得掂,可惜敵不過傷患又係好快淡出,英格蘭咁多黎唯一一個奇跡應該就係朗尼,然而穩如泰山既正選位置,朗尼卻冇喺國家隊交出太多代表作,唔通英格蘭整定係冇運?
索引
哈利簡尼,簡直就好似係治療系既前鋒,治療系既文章可以治療人既心靈,治療系既前鋒一樣可以治療球迷既心靈。
chels_h_harry730a
如果單純話佢走位靚,射術好,咁通街都係啦。哈利簡尼最大特點係無球跑動特別多,而且喺前面可以hold住個波,盤扭同過人都得,哈利簡尼二傳掂,分波俾邊路亦掂,等隊友更好地同佢配合,全能前鋒既典範在於,佢仲可以交出防守數據例如攔截同搶波,你話啦,呢d咁勤力又有料既前鋒,買少見少啦。

Harry_Kane

以前d英格蘭球隊最鐘意用442陣式,總之是鳩但擺兩個前鋒喺最前,一高一矮,一個頂得一個跑得就ok,宜家英格蘭球隊開始沉迷4231陣式,對前鋒既要求更高,梗係一個前鋒做曬幾個前鋒可以做到既野,咁前鋒後面就可以擺多d創造性球員去支援前鋒,而哈利簡尼自然成為英格蘭球隊最寵愛既一種前鋒類別。
twenty-twenty-1-october
Pick up到如此良機,哈利簡尼邊有得唔大紅大紫?加上佢又靚仔,靚仔得黎唔囂個下先叫得人喜愛。如此出色既前鋒,大家應該好好珍惜佢,我真心想佢成功,完成連尼加、舒利亞、奧運等超級射手都未能完成既創舉:幫英格蘭拎返個大賽冠軍。
3333
忽然又醒起王晶點評劉德華既句子,佢話劉德華呢份人精益求精,每日就算進步1%,佢都會努力。從哈利簡尼身上我就見到呢種特質,好勤力好勤力,你話啦,點可能唔撐呢d咁有hear既後生仔?
2222
比起李斯特城既華迪,我更加想熱刺既哈利簡尼撐起英格蘭隊,因為青春,無論幾時都係球員最大既本錢。
趁住每晚仲有少少時間,趁住每晚距離第二朝早都仲有好長時間,一定J爆哈利簡尼,識J一定J哈利簡尼。佢唔係一個人,佢肩負起好多代人既期望咖!
哈利簡尼上季精華片段:https://www.youtube.com/watch?v=3DZo2VFHy3A
今季個d就暫時冇乜精華啦,記得追睇熱刺隊既賽事啦。