我每次投完票之後都會同我女朋友講分手
因為我知道,佢已經唔再明白我
佢亦都唔知道,我喺票站入面所經歷過嘅究竟有幾多

佢問我投邊個,我真係唔想答佢
鼠王芬?葛佩帆?真係膚淺
究竟我仲可唔可以繼續忍受到自己嘅伴侶,將自己嘅票投俾鼠王芬
其實票,喺唔可以亂咁投的
投每張票,都要經過深思熟慮,經過百次分析
經過歷煉,經過漫長嘅試鍊
每一票都有佢嘅歷史,佢嘅故事
唔通好似689好傻好天真咁諗,今日投票俾鼠王芬,總比聽日投票俾鼠王芬早一日咩
又唔通好似同情肖友懷嗰位小妹妹咁,投俾鼠王芬,又點喎

我恨我嘅人生唔可以好似投票箱咁
搵到咁多好嘅候選人,游蕙禎,徐子見,葉榮‧‧‧‧‧‧各有特色
亦搵唔到咁多知音人

有時侯,我自己一個去票站投票
我覺得自己好孤獨,我覺得喺呢個世界入面係會冇師奶明白我
啲師奶淨係識得妒忌游蕙禎嘅美貌,寧願投票俾鼠王芬都唔投俾佢
我望唔透,我望唔清究竟呢個世界仲有幾多野我係掌握到
我好迷茫

正當我離開間票站,來一個華麗轉身嘅時侯
發覺有個OL啱啱同游蕙禎握完手,話將自己神聖的一票投咗俾佢
嗰一刻我呆咗喺到,直到佢轉身望過來
我望住佢,佢望住我
我地互相點點頭
我好感動,原來呢個世界仲有人係同我有相同嘅諗法
我強忍淚水
走出票站,點起支煙
頭都冇回就走返屋企
或者個OL會問,點解我放棄呢一段咁難得嘅姻緣

我唔知道
喺呢一刻
我覺得我係一個浪子

(改編自火腩飯潮文──作者:AirSupply)