我從不羨慕其他球迷口中提及佢地嘅左閘點威點勁,皇馬嘅卡路士、巴塞嘅丹尼爾艾維斯、AC米蘭嘅馬甸尼、曼聯嘅加利佬、利物浦嘅懷斯、國米嘅J辛尼迪、拜仁嘅拿姆……對於我黎講都只係過眼雲煙,只有艾殊利高爾能夠真正打動到我,喺我心目中佢就係最強左閘:攔截力強,助攻力更強,出波斬波準繩度奇高,A高就係左路達人,左翼嘅好幫手。

但其實早於06年,我已經好鐘意A高……嘅老婆。係人都知足球周刊好專業好好睇,我就係足周嘅忠實fans,而咁啱06年有一期就出咗A高同佢老婆Cheryl嘅專題,我成世都冇可能唔記得,就係以下呢兩張圖:一張係A高同Cheryl型爆嘅合照,一張就係Cheryl成對波跌出黎嘅藝術圖。以前d人睇咸書都會夾喺一本正經嘅雜誌入面,我就睬你都on dog,直接拎本足球周刊入廁所……欣賞。黑人黎講我覺得A高真係好靚仔,起碼我覺得型過籃球界嘅天王高比拜仁,咁索女黎講Cheryl又的確係靚樣靚身材,仲要係知名女子組合Girls Aloud嘅成員之一,而當時對比返另一對金童玉女碧咸同維多利亞,我覺得A高同Cheryl似乎更合襯,因為Cheryl明顯索過維多利亞好多。

wenn726379_wenn726379

A高同Cheryl型爆嘅合照

Cheryl成對波跌出黎嘅藝術圖

Cheryl成對波跌出黎嘅藝術圖

女係會睇得厭咖,但足球係唔會睇得厭,而自從A高06年加盟車仔之後,我就開始對佢越黎越熟悉,同越黎越鐘意佢。

A高個朵早於阿仙奴已經響曬,黎到史丹福橋球場更加更上一層樓。唔係話車路士有幾咁好,而係隨著年齡增長,A高各方面越見成熟,漸漸迎來自己職業生涯嘅收成期。唯一遺憾係,佢同Cheryl嘅婚姻只維持咗短短四年,我當時喺度諗,Cheryl咁索,A高都仲要三番四次出去偷食,真係唔抵爭,不過金童玉女呢家野好難講,登對唔代表可以一生一世,好似卡卡同佢老婆咁幸福零緋聞都要離婚,好似保方同佢老婆咁恩愛埋單都係唔可以白頭偕老。

或者係阿迷心目中佢始終難洗脫叛徒之名,但對於車迷黎講,佢就係大大功臣,喺效力車仔八年時間,佢幾乎贏盡所有球會冠軍,作為球迷,我係真心感謝佢。

見到佢家陣跌曬watt甚至冇球會收留,其實我唔意外,一個偉大嘅球員唔一定踢到掛靴前都可以保持高水準,但願佢無論係退役定再埋班,都可以過得幸福。

PS:當年個本足球周刊已經俾我整唔見咗,如果閣下仲有個期A高同Cheryl專題嘅書,如果你想搵人接手收藏,不妨搵我傾傾,我好有興趣!唔係想一J再J,而係想做個紀念。