原來做足球員從來都唔係一份荀工,做區議員先係一份荀工。

一直唔明點解香港要有咁多區議員,隔幾個街口又劃分一個選區,好多牛鬼蛇神衝曬出黎獻世。邊d實事求是,邊d呃飯食,做得街坊邊個唔認得先。「有事鐘無艷,無事夏迎春」就係好多區議員既真面目,選舉就蒲曬頭灑熱血,選舉過後就各自風流,把口永遠話幫街坊爭氣乜乜乜,到頭黎做過d乜野,心照啦,輕輕鬆鬆過渡一屆任期,下屆選舉又出黎叫街坊支持。

7503_1

以前做細佬哥個陣我的確好羨慕足球員。成日都有波踢,人工待遇又好,仲要好多人識,呢種感覺的確好正。不過我大個仔之後先發覺,原來做足球員根本係搵命博, 更加冇可能係好工。足球員既青春好快過,退役後生活根本冇保障,仲有好多球員因為傷患導致,好多大細病痛都會跟一世。外國既球員可能人工高,錢多冇多愁, 但香港個班球員,根本上好多都算係在職貧窮,為興趣唔可以當飯食,當部分球迷嫌棄佢地技術唔夠好既時候,有冇人為佢地既後路設想過呢?當打既時候係咪得到應有既福利呢?退役後又係咪得到應有既保障呢?

1437387657_588b

冇人care。

我寧願減少區議員既名額,將果筆錢拎去津貼足球員,或者起多d足球設施等等,都唔想見到d真正為香港出力既人足球員生活毫無保障,而個d存心呃飯食既垃圾就袋幾萬銀一個月。

expert-20130225-3

問心,有幾多人清楚區議員做d咩?成日話爭取乜乜乜,其實就得把口,有d區議員離譜到拎住張九唔搭八既傳單都敢話參選,誠意都冇,大佬呀你真係識do。無錯,我係見過有d區議員真係選舉后盡心盡力幫街坊,但呢類區議員的確好少。但有d 區議員走黎我Email洗版叫我投票,我望一望名單,又係個個村屋西裝老鬼,同兩件笑口騎騎既新丁,擺明逼我唔使揀啫,如果可以,我希望投反對票,就係罷免曬呢候選人,我相信好多街坊都會想投反對票。而最可悲既係,好多選區竟然有自動當選既議員,政府真係閑米太多,卻惠及不到真正有需要既人。

唔好話幫足球員乜乜乜,眼見香港仲有d石屎地一仆會見紅個隻,就知道其實生於香港,的確冇乜值得自豪。

feature-20130221-03

但願香港足球員皆可以搵到屬於自己果份快樂。