港隊球員由踏入球場開始已經注定成為悲情人物:港隊熱潮到底可以維持幾耐?

如果啱啱放監出黎冇耐,或者昏迷左好耐,應該唔會知道香港其實係一個病態社會,唔係講緊有錢佬幾咁隻手遮天陰乾D星斗市民,而係大眾都好有問題。成日話大陸人冇教養走黎香港黎瀨屎瀨尿又搶鳩我地物資,又炒高樓價搞到香港人買唔起樓。OK!總之大陸人一出世已經被港人視為天敵,好多人覺得大陸人仲衰過D難民。咁香港人本身都唔見到好好咖:賺就要求賺到盡,搵人笨柒就聲大夾惡,懶係受過高等教育其實就膚淺到冇朋友,七宗罪樣樣犯齊曬,仲要偽善、歧視、欺凌,如果柏楊可以寫本書叫「醜陋的中國人」,我絕對有理由相信以後有人可以出本書叫「醜陋的香港人」,分分鐘有機會角逐諾貝爾文學獎殊榮添。

呢個社會不嬲都有問題,球迷就更加唔使多講——偏激啦、飄忽啦、扮Q曬大袋啦,D人之前冇睇過港隊,都可以走去搶購波飛,就知道港人呢家既新玩具就係香港足球隊。

支持港隊?有話題lor,撐佢打殘強國lor,復仇主義lor。你班仆街水貨客日日黎香港搶物資呀嘛,你班x蟲日日過黎佔領香港土地呀嘛,難得世界杯賽場上能夠遇上強國隊,港人梗希望港隊贏,打謝強國隊,幫大家出返啖氣。港隊出唔出到線冇所謂,最緊要同強國隊玉石俱焚就最好,以洩心頭之恨。

港隊青訓,Who fucking care咩?港隊球員退役後就業問題,Who fucking care咩?大把香港足球既野,港人睬你都傻,最緊要你地幫手打謝強國隊就OK。

如果輸俾強國隊,大家就會覺得冇曬face,咁港隊呢個玩具就冇撚曬價值,快D摺埋啦。講到尾,好多人根本唔係撐港隊,而係憎強國咋嘛,能夠有機會令到強國仆街既人,自然會被港人捧為英雄。

港人睇波本身已經冇乜野深度可言,走去做忽然港隊球迷先好笑。撐?如果唔係之前強國出張海報寸柒港隊,你估家陣有冇咁多人睇港隊呀拿?港隊熱潮邊會有呀。

最慘既唔係見證班偽善球迷幾咁識變臉,而係港隊球員,滿心歡喜以為香港球市復興,其實一切只不過是假象,踢完中國隊個場之後,贏左或者熱潮可以持續,如果一個唔覺意輸左,到時就會發覺,其實港隊既fans,其實一直都得咁少,根本冇撚多到。尤其班香港本土球員,眼見時下港隊大部分都係鬼佬黎,球員既心情的確好容易灰鳩曬啦,自己辛辛苦苦,唔計香港踢波等同做咕喱永遠吃苦不討好,加陣總要俾鬼佬佔據大部分正選後備既位置。所以我寧願見到班本土球員為主既港隊,俾人大炒,都唔多鍾意幾乎鬼佬正選既港隊。冇乜點解,如果鬼佬球員當道既港隊都只能和到強國隊,咁不如派曬本土球員出去好過,用入籍兵提升足球實力?有既,少lor,個分別在於拎到1分同拎唔到1分。斷估本土球員唔會突然體能大躍進,體格大上升掛。

作為一個吸收開外國足球養分既球迷,我能夠做到既,就係,默默支持港隊,得閒見到佢地有賽事迷睇下,而唔係盲目追捧佢地,唔好將佢地捧上天堂但好快就將佢地送返凡間,咁高跌落黎實好痛架。

偽善既港迷,唔好當港隊只係滿足自己虛榮心既玩具,識得尊重佢地遠勝於吹捧佢地。你幾憎強國都好,唔好寄情港隊幫你出返到氣,如果並非追開港隊,就唔好突然變曬fans咁撐港隊,某程度上你地咁做只不過係傷害緊全港既球員,係香港做球員已經夠曬慘情,如果仲要俾人當玩具咁玩,都咪話唔hurt爆。

仲有呀,球場上既球迷,邊D係真心,邊D係三分鐘熱度,邊D係忠實球迷,邊D係忽然球迷,心照啦。呢個moment我梗要大潑冷水啦,因為好多人都冇當過港隊球員係球員,佢地當人地只不過係滿足你地虛榮心既玩具咋嘛,踢完中國果場,大家就可以散場,以後港隊既未來,例如福利會唔會多返D,球場設施會唔會多D,屌!冇人理架啦。