(警告:以下文字含有強烈撐自己人意識,如果你係香港人但係支持中國隊,講咩「大家都是中國人」嘅,我屌你老母啦,你即刻同我躝番大陸,呢篇文你無資格睇!)

呢個禮拜港隊總共有三場國際賽事,12號對作客馬爾代夫贏咗!14號主場B隊迎戰澳門,同埋火藥味最重嘅17號香港主場對中國。經過之前港隊將士搏盡全力,我地而家仲守住小組第二,打鄰國係最重要最重要嘅生死戰,理論上贏咗就好大機會鎖定小組第二,有機會爭最佳以名次出線。
除咗呢場決定出唔出到線之外,更可以為香人吐一口烏氣!就算唔講回歸18年嚟我地受嘅欺壓同侵略,由海報事件開始,對港隊不利港隊嘅事一直發生:

比人歧視有層次!
英雄輝比人鬧係狗、吐口水侮辱!
被FIFA罰錢!
馬代政變緊急狀態,FIFA都要我地冒生命危險去作客!
馬代改早開賽時間!

喂,我地比人踩到上心口喇,而家唔比番啲顏色佢地睇等幾時啊?球員已經打緊爭氣波,我地作為港隊第十二人梗係要落力為場上戰鬥嘅兄弟打氣啦!我一路都話,而家係打緊仗,任何幫到港隊嘅嘢都係值得做、應該做、快啲做!呢幾次主場雖然掛紅旗,但其實局勢仲係好嚴峻,為咗整合我地每一分力量,而家就同你開個戰前會議!

《開戰前》

1. 衣著
著紅衫
著紅衫
著紅衫!!
一定要整到全場紅海!!!
我知好多球迷都要番工著裇衫,我明,但係呢場波咁重要,不如前一晚放埋件紅TEE入公事包,入場換一換啦。白色港隊作客我今次真係唔太建議(我自己剛剛買咗都係咁話)一堆紅中間一個白真係好顯眼,不利氣勢呀。

2. 減少客隊球迷
今次入場會check身份證,但由於有炒飛狗放比大陸人,所以好可能會有大陸人拎主隊飛搏大霧衝擊我地查飛關口。旺角場人手不足,到時如果有早到嘅手足,不妨組團去幫手阻止衝關嘅大陸人,見到就大聲喝罵「有大陸人搏懵呀!」之類,唔好比工作人員放佢地入去,以減少敵軍人數為目標!

3. 客隊球迷係仇人
唔該!記住!客隊球迷行過時要做嘅嘢絕對唔係拍手歡迎!而係要仇人見面份外眼紅咁屌鳩佢!大佬我地唔係做親善大使,唔需要歡迎敵人!你幾時見過巴塞迷係魯營拍手歡迎皇馬迷嚟打鳩自己人!?最好就鬧到佢失禁,屌到佢中風,敵人愈少愈好!唔關政治事!體育都可以係世仇!

《國歌時》

1. 噓唔噓?
基本上得三個選擇:
A. 噓/Boo爆佢
B. 唔噓,唔唱,唔做其他嘢
C. 唔噓,做其他嘢 (e.g. 嗌We Are Hong Kong、打交叉手勢、唱改篇鄰國國歌之類)

「噓」表示唔可以屈服、反對支那侵略;唔噓,唔好累港隊(可能)被罰,之後仲有主場賽事閉門無著數。嗱A同B你自己揀,但C嘅話有啲真係兩頭唔到岸,例如嗌口號其實一樣都係騷擾國歌,仲會被屈支持;而唱改版鄰國歌係最差嘅一個做法,咩生菜牛肉垛爛,第一現場咁嘈,你覺得你唱得大聲過喇叭?根本唔會有人聽到你唱乜,第二歌詞on9無意義,第三TVB仲會話你唱國歌愛國,根本就係五毛嘅計謀。所以一係噓,一係唔好噓,千祈唔好揀C !

《開戰時》

1. 敵軍分析
足總扣起咗1600張飛,有幾多會流出比啲愛国新香港人真係無人知,仲要割讓咗22-27區比客隊球迷,成半個看台,而且人地Ultras好勁,中超夾慣夾熟。我地雖然31-32段有打氣區,但其他區真係有啲靜到圖書館咁,企起身都比阿叔屌,如果唔好好計劃,隨時比人反客為主!

唔信人地勁?你睇下:
https://www.youtube.com/watch?v=VZ8dvJZZFXo

2. 第十二人戰術
我地可能無一流嘅實力,但論主場氣勢,我地一樣可以唔輸蝕!以下幾點,比唔甘心被客隊騎劫嘅兄弟一齊做!
A. 由入場撐港隊嗌到完場一刻,咩情況都唔會早走!
今次係近十幾年來世盃外成績最好嘅一次。港隊咬緊牙關,背負住我地嘅夢想,一步一步咁延續,最好嘅回報就係入場支持,九十分鐘出盡力撐自己人 ! 仲有,用得撐呢個字,睇完全場真係基本盤,東張西望勝利球迷前車可鑑,今次仲早走我驚你比人cap圖恥笑到你個孫都知你係逃兵……講真,咁急走替死咩?你估你真係歐洲球場幾萬架車塞住驚長龍咩……呢場波有今生無來世架,咁難得有飛,一齊留係度頂硬上,撐到最後一秒!
B. 重點屌足狗智90分鐘,掂親波就Boo/屌鳩佢
鄭智一掂波,梗係要屌柒佢啦,最好屌到佢腳震,以下大陸球迷影片示範:
https://www.youtube.com/watch?v=BUyvPAyt6jY

可以諗定一啲專屌鄭智嘅beat,簡簡單單「鄭!智!屌你老母!」都得,最緊要夾定,到時嗌自然有人跟。
C. 噓盡支國球員 攞返主場氣勢
除咗重點招呼鄭智之外,其他支國球員我地都唔好漏咗,請出力屌,行親埋場邊就兇神惡煞咁屌鳩佢。逢親佢地撻Q、甩波、飛機之類一定要瘋狂恥笑,唔駛同佢客氣,最好屌到佢怯,笑到佢燥,笑到佢無曬信心,我地入場撐唔係為咗做君子,係為咗撐,你明唔明?
另外,而家唔駛識波牌,無論合唔合理,只要判決對港隊不利,我地就要噓就要Fuck you Referee!衰啲講句,係架我係要用盡每一個機會比壓力對手架,你噓球證得激烈嘅,佢都會諗多兩諗先啦,主場就係咁用架喇。
如果有愛国廢中廢老屌你,唔駛理佢,繼續做你應該做嘅嘢!打緊仗嘅人係唔會因為啲旁觀者屌兩句而停止!
可能,我地每人出力凝聚嘅主場氣勢,就可以為港隊增加1%勝率,而呢1%,分分鐘為我地帶嚟勝利!
D. 其餘時間跟香港力量嗌口號
部分頭先所講嘅,組織做會唔係幾好,但素人球迷自發做就無問題。咁屌同噓對面隊之餘,唔好忘記我地第十二人主要都要幫港隊打氣,所以記得都一定要幫打氣團嗌爆旺角!
E. 非必要唔好掟嘢
案例證明,係FIFA眼中,掟嘢比噓國歌嚴重好多。如果唔係到同強國人打大交或者有咩暴動呢啲劍拔弩張嘅時刻,千祈唔好掟嘢入球場!上次就係有人(定鬼?)掟一包檸檬茶,比位佢地連消帶打拖埋噓國歌一齊罰,比佢累死之餘,又搵唔到果個掟嘢嘅人!如果今次無啦啦又有人掟嘢,一定要喝止佢並大聲示意叫附近嘅人幫手一齊好好教導下佢!
(戰術意見參考自高登港超post瘋小孩及一眾巴打)
3. 香港力量與癡線佬
打氣組織香港力量為港隊打氣出錢出力,佢地對營造主場氣勢有重大貢獻,我個人好感謝佢地嘅付出亦必須係度表揚佢地。但始終人夾人緣,梗有部分球迷同佢地做法唔同。如果有坐近過打氣區嘅可能會知,香港力量TPOHK有佢地嘅打氣風格,亦始終有佢地嘅取向同想法,未必可以夾到全部人。
如果你覺得自己夾唔到TPOHK,但又想為港隊嗌爆旺角場嘅,或者你可以考慮一下唔同距離嘅支援。我收到風港足癡線佬可能為咗減輕TPOHK嘅負擔同一齊幫香港打氣,積極考慮組團去28區一盡地主之誼好好招呼大陸仔,另外亦有部分開荒牛諗住去10-11區對岸呼應。呢啲勇士希望遍地開花,努力帶起另一面看台既聲勢!無論你坐邊一段,見到有勇敢嘅球迷願意挺身而出係較靜嘅地方帶領口號,我請你一定要幫佢,只要你地肯和應,附近嘅人好快都會被牽動,要一傳十,十傳百!如果附近無勇士帶頭嘅,你亦唔需要怕醜,可以當仁不讓大叫一聲We Are Hong Kong,在場手足一定會幫你!
4. 撐香港隊,捨我其誰?
屌,我講咁多都係唔想自己因為係呢場會記一世嘅波入面無出盡全力而後悔姐。CapTV條片對我印象好深,外國人都唔明點解我地會最支持某一隊球會,而唔係最支持代表自己城市、代表我地嘅球隊。記住,世界上只有我地係香港人,香港代表隊 – 我地唔撐,仲有邊個撐呀!?
最後祝香港隊馬到功成,戰勝歸來!

(圖片來源:香港超級聯賽 Hong Kong Premier League facebook)