唔係好理解曼迷點解屌爆肥仔,屌佢週薪咁高但踢到成pat屎咁?人地話曬都幫曼聯拎過好多冠軍,如果我話佢係近十年曼聯既icon都不為過,提起曼聯,一定會講起朗尼;提起足球,講完美斯同C朗,都好大機會會講起佢。佢未必係世界第三勁,但邊個唔係踢住朗尼踢波大,而佢從「The King Of The Old Trafford」變成今時今日既「The DLLM Of The Old Trafford」,時間只需要短短三個月。

法比加斯呢條蛋散,照計點都冇乜可能成為車仔名宿,頂多係過客啫,你睇佢3000萬鎊轉會過黎車仔,週薪達20萬鎊,上季一黎到史丹福橋係威係勢,踏入下半季就開始跌watt,講真我見到佢真係唔開胃。

佢以前又話:「我愛阿仙奴,唔會效力其他球會。又話唔會加盟倫敦死敵。」結果就先去巴塞,再黎車仔,傷透萬千阿迷既心,如果要「賤男論」,佢點會唔榜上有名呀?

想當年,佢只不過係魯營踢過一年,意外地從防中變成入波最多既青訓球員,但巴塞一隊根本就當佢冇到,之後2003年就俾雲加帶左黎高貝利培訓,係雲加好似daddy錫仔仔咁俾法比加斯機會,如果冇雲加,法比加斯有冇今時今日既成就呢?就算有都起碼推遲幾年啦。

雲加除左冠軍殊榮俾唔到法比仔,基本上好多俾得既野都俾曬法比仔,當然法比仔冇辜負雲加既期盼,的確成為阿仙奴標誌性既領軍人物。

法比之後重返巴塞,擺明係佢主動要走,點知去到巴塞,冠軍拎唔少,卻再搵唔到第二個教練好似雲加咁當佢係親生仔。你話啦,法比仔係巴塞,頂盡咪係一線尾二線頭既球員,第四五六男主角個類囉。之後又過多幾年,就搭上車仔呢個新碼頭,重返英超,當年個位青澀少年講既「我愛阿仙奴」成為最大既諷刺。

你老闆like你,唔代表球迷會like你,至少我從未鍾意過佢。

如果話法比仔既絕技係佢既創意係佢既傳送,咁有睇開車仔比賽既朋友,可否解釋下佢近排搞乜鳩?早於踏入2015年個陣佢都開始鳩鳩地但叫偶爾交到功課,點估到佢新賽季回曬塘咁。

法比仔既故事教訓大家,唔好貪圖乜乜冠軍,留係阿仙奴等做傳奇咪算,何必走去巴塞,用自己既熱情去貼人地既冷屁股,搞到最後無癮走黎車仔,又偏偏只得半季貨仔。法比仔,你到底係咪唔想撈,定係想疊埋心水進軍香港既傢俬界做法比傢俬?法比仔近排俾我既感覺,就係一個字:Hea。好似一般打工仔咁落場等收工,收工等放假,放完假返黎繼續熬老底,但法比仔週薪20萬鎊呀仆街!!!

真想一巴刮柒佢,打醒佢,想問佢到底想hea到即時呀?25仔,踢波跑都唔跑多步,眼裡無神,傳送無能,防守失魂,真係屌鳩你使撚斯文!!!