係呢個「你唔識我、我唔識你」既臉書世界上面,如果有人試著去了解你,其實算係一種「恩賜」。

試想像係呢個資訊爆炸既年代,有人願意花時間去「see more」,然後like一下或者留一個言,大概都花左一兩分鐘時間。

「like」有時係贊同,又可以係「已閱」,算係留底一個印記。所以通常我都會對留言者既留言回一個「like」,除非佢既言論我極度唔認同,甚至連屌鳩我我都會「like」。唔「like」既通常係個原因:「極度唔認同」、「呢個人好討厭」、「完全唔明」、「睇唔到」。

有時見到留言得多,我會對呢個人有印象,之後我開始會去睇下佢既wall,睇下有無有趣既分享、獨到既睇法、生活瑣事或者靚人靚相之類,有趣既、有啟發性既我一定會like,有興趣既話題我一定會留言。

相反,有d好悶既或者佢d野我好討厭既,我會unfollow。留言無反應、大量like無回頭好似石沉大海一樣既,除左unfollow之外我其實考慮緊unfriend或者block,因為明顯彼此當初只係因為好奇而add一下,但事實係大家睇法、興趣等等都無一個共通點,咁無論大家既政治立場幾一致都好,都唔會有fun既成份係入面,倒不如早早緣盡好過,反正我唔係為政治而活,我只係想痛苦既既塵世入面搵一d快樂而已。