每個人都有解決性需要嘅時候,不論男女。有伴一齊扑野當然好,但更多時候大家都係對住電腦除低條褲睇住片解決。講影片質素THISAV唔一定最好:講高清佢冇、講齊唔夠人黎、講自拍又唔及人多。但喺有一點我敢話全世界冇一個咸網夠佢黎,就係THISAV絕對係咸網之中最有良心嘅一個。

開個咸網其實唔難,有片就放上去,愈多愈好,之後靠廣告搵錢。無論咩事都好,咸網永遠都有佢嘅需求,理得你黃絲藍絲支持邊個係咪政治冷感都好,大家喺咸網面前都係一隻下身冇著褲嘅咸蟲。但係當反國教進行嘅時候,THISAV居然唔比你睇咸片,叫你著返條褲,叫你了解下點解要反國教。大家想唔想像到有人會咁倒自己米?你諗下如果你上一樓一叫雞,入到門口隻雞就話今日唔做生意,叫你返去諗下而家嘅香港點解會變成咁,梁振英管理得有幾差,唔好再淨係用下半身思考。嚇都嚇撚死你啦大佬,講緊生意,錢啊,香港人最鍾意嘅錢,居然有人會寧願唔播一日咸片而去叫香港人用下頭頂個腦諗下而家嘅現況,有咁嘅良心又敢做嘅有幾多個?

唔止反國教,仲有之後劉進圖被斬、佔領運動,THISAV都有改下頭像變下黑白去「親身表態」。我相信當時班瞓左幾日街返屋企沖涼順手上THISAV打個飛機嘅學生們見到THISAV咁樣嘅一幕,真係連打飛機果陣都感覺到有人支持緊自己。THISAV令我人生第一次覺得原來連打飛機都可以咁感動,連打飛機果陣我都係一個確確實實嘅黃絲帶。

大家要求咸網嘅就只有不斷放咸片上去,THISAV咁做明顯唔係為左吸客,只係憑網主自己嘅良心去做事。如果個個香港人都可以好似佢咁工作之餘不忘表達自己立場,唔會當政治同自己無關嘅話,可能香港真係唔洗變到咁。

唔好講咁多,等我上THISAV聽返條校委會錄音先。