「嘩,嗰晚都唔知佢塞咗幾多砵仔糕!」

「仲成日懶好咁斟酒,咪又係嗚低身吸睛!」

「呀邊個仲勁,條裙短到走曬光,仲起勢咁跳!」

「佢件衫中空㗎,露曬Bra帶咁,條女好Sluty囉!」

「黑絲仲要坐到腳撩撩,發曬姣!不愧為超級發電機!」

「兔仔耳,低胸黑色喱士裙,Playboy咩,都唔知佢搏乜!」

「佢成身女僕裝,仲要扮曬Kawaii娃娃聲,真係頂唔順囉!」

「 佢cos護士仲淫啦,成晚係咁姣搭傲將軍,荒死上唔到病床咁!」

「佢IG啲相呀,一係就全部比仔圍,一係就其他女仔影得最唔靚嗰張,點解呀?襯托得佢最正最索最多仔溝囉!」

萬聖節派對後,上述對白不絕於耳。女生A、B、C來個靚Brunch,Hangover未完都可以好Hyper去對女生D、E、F評頭品足,洽巧,D、E、F亦都同一時間一起聚餐,講講昨夜斬鑊,及批評A、B、C。
午後Afternoon tea呢,女生A、D、F一起,當然講女生B、C、E壞話了。
C、E在晚飯中,少不免是恥笑A、B、D那萬派對的醜態。
B、D之間的訊息,都充斥著對A、F的不滿怨恨。

從來,對女人最mean的,最會物化女性的,講最多女仔壞話的,都是女人。
然後,在FB/IG的合照內容總會打上 #BFF #ForeverFriends 。
直至下星期四的Ladies Night到狂歡週末,一個又一個的派對後,同樣的對白再次酸溜溜的講出口。歷史在重演,這麼煩囂城中。