【劇情簡介】

故事從一對夫婦新婚之夜開始,丈夫格蘭特經歷咗一場怪異體驗並因此獲得一種超自然能力——可以將自己想像轉換成現實,但係佢唔知道哩種神奇能力來自何處,妻子凱瑞對哩種變化顯然唔可以接受;而與此同時,對格蘭特能力嘅覬覦者開始對他圍捕……

imarriedastrangeperson1-743819

【觀後感】

試諗諗如果我哋某日意外發現自己多咗一樣超能力,就係可以將想像轉化成現實,係幾咁美好嘅一件事情呢?

糧尾時,用一用超能力,提款戶口裡頭存款馬上多咗好幾個零,都唔駛去寄望超低中獎率嘅六合彩。當肚餓時,用一用超能力 ,滿漢全席懷石料理各種美食陳列面前。夜深人靜孤單寂寞時,用一用超能力 ,哇~~~限制級場面即刻出現!

確實係一個好多人夢想嘅一個能力,當然美好夢想只會出現電影作品入面,現實中根本冇可能出現,而我哋以前總睇過似曾相識嘅作品,日本大友克洋經典《阿基拉》就係一個例子,哩種慾望與力量,總係會比有心人士想私有化,但往往可想而知產生失控,造成巨大災禍與毀滅,哩類作品皆是對於科技嘅反思,對於人性嘅反思,對於城市化嘅 反思,對於工業革命嘅反思,甚至對於文明嘅反思。

299240_full-745977

《阿基拉》係嚴肅嘅批判,而哩齣《I Married a Strange Person》就選擇荒謬詼諧方式去調侃。

導演Bill Plympton係實至名歸手繪動畫鬼才,印象深刻係早幾年HBO仲會播出佢《25 Ways to Quit Smoking》戒煙短片,Bill Plympton作品瘋顛前衛,總係可以創作出一D超賤但又唔會令人反感嘅橋段或者構思,而《I Married a Strange Person!》就係一個咁鮮明特別限制級動畫作品,cult味十足,血腥荒謬色情元素充斥整個作品。

images-751269

你有冇見過男女性愛高潮時,女性乳房可以轉來轉去,甚至成為直升機螺旋槳飛上飛落?

你有冇想像過乳房變成又大又長嘅大怪物,衝出家門到花園轉一圈又返嚟嘅畫面?

荒誕式百無禁忌,性與暴力誇張到極致,屍體都可以拎嚟做滑板。

只可惜Bill Plympton天馬行空超能力狂想曲,只能夠透過動畫形式呈現,假使佢構思嘅畫面拍成真人演出電影,相信HIGH爆整個電影圈。

pegasus_LARGE_t_981_1654125_type12499-748824

有人說Bill Plympton是動畫界的Quentin Tarantino,但從作品特徵上佢更接近David Lynch——而且Lynch亦拍過實驗動畫短片,實驗派,old fashion,富於思考,怪誕,情色,暴力,佢以極富想像力嘅動畫手段調動觀眾各種感官共鳴(通常從性和暴力入手),表達手法非常具有啟發性。

睇過Bill Plympton作品嘅人都知道,佢個人最大特色莫過於令人又愛又恨充滿速度感筆觸,喺佢以往短片中所呈現,總係不修邊幅嘅筆觸狂妄揮灑,帶出一種略為晃動手工感,溫暖又人性味。

980055-754301

哩齣長篇電影《I Married a Strange Person!》,Bill Plympton依然咁樣處理畫面,冇刻意美化,依舊保留筆觸與線條混亂,完全冇精緻電影感覺,有時候簡單到令人錯覺為學生作品,但下一秒又恢復專業手繪,咁樣轉換的確比人觀影過程中有落差感。

不過反觀諗,或許Bill Plympton確實想反映一種混亂無政府狀態嘅世界觀與失控嘅慾望追求,或者哩種手法會比精緻3D動畫或其他手法更有說服力。