最近鬧得好熱嘅糖水舖事件令我諗起兩年前一單嘢。同樣係深水埗,同樣係小店,同樣有左膠。

戰友和明哥在店內閒談期間,他說四月初會贊助一間大學學生party 數十份的下午茶…….等等,戰友聽落唔係好妥,什麼大學…..贊助……下午茶!?詳細問下發生咩事!之後直接致電明哥,頂!!!!!唔係下麻!原來上月,浸會大學有不同學系的學生,上門同明哥話冇資源,要求明哥贊助三文治、魚蛋同鷄翼比佢地開party的食物!明哥那個率直的性格又不懂拒絕,結果一個問完又到第二個,已經有三四次! 四月仲有兩次!!!浸會大學的「大學生」!你地冇野麻!你地有冇腦架,有冇良心架!!你地唔去五星級大酒店拍門贊助,竟要找一個連衫穿左都要補!找一間賙濟窮人、老人家和無家者的良心小店,去贊助你地開讀大學的學生開party!!!! 你地可以好意思出口問?你地係有病?係咪讀書讀壞左個腦!?仲要唔係一個,而係一大班!你地知唔醜字點寫?

由於發起聲討嘅係聖人Benson Tsang,當年意見幾乎係一面倒地鬧爆班大學生。溫和啲嘅,就話唔得小心唔識世故,登上咗道德高地之後興奮到不能自拔嘅就,甚至鬧無腦無良心。


咁今日何潔泓好開心咁食糖水唔駛畀錢,然後上facebook,所謂幫小店宣傳,又係咪無腦無良心呢?呀聖人Benson出嚟講兩句喇。

其實盤生意係人哋嘅,老闆中意贊助邊個,賖數畀邊個,請邊個食免費糖水,咩都好,又關啲外人咩事呢?唔好慷人之慨亦唔駛幫人肉赤。人哋地產霸權下都屹立不倒(住),唔駛你擔心,唔駛你教點做生意,唔好睇小人,唔好騎劫人。

咁我而家係咪撐何潔泓?

平心以論,其實落街食嘢帶唔夠錢好平常,而老闆放過你,你滾動,都係人之常情,然後忍唔住要打啲矯情嘢上facebook呃like,雖然難頂,但其實又未止於篤灰抺黑嗰啲咁罪大惡極。細節如幫人宣傳,個宣傳重點係賒數服務而唔係糖水,成日開口埋口人情味,但啲個表現手法永遠都係得收少你兩蚊,一種結果都係講錢,哩啲,當然可以執著;但老老實實最主要都係睇佢唔順眼做咩都錯啫。

其實邊個啱,邊個錯,有無錯,根本就無所謂。一來件事係無聊小事;二來好多嘢你要點spin就點spin,因為大部分人都只係會睇完個標題就拎住個二三手見解扮有見解 -- 只要你多支持者其實就係你啱。


所以我覺得更值一得討論嘅係,原來而家左膠神日憎鬼厭成咁。

曾經何時左膠做咩都有光環,而家淪落到連出個矯情status都會比人屌到反皮,慘過過街老鼠,真陰公。

我一路個印象都係雨革雖然喚醒咗好多人,但只係由冷漠變成casual左膠,而左膠醒覺唔再膠嘅,始終都係少數。

我覺得哩個階段性勝利值得我哋畀啲掌聲自己喎。