SUGERBABY依隻歌街知巷聞,一日點擊率四十萬,雖然評價係一面倒既DISLIKE。其實香港好多組合都做唔耐,好似之前叫媽媽今天不必擔心我既天堂鳥而家都唔知飛左去邊,可能因為咁樣好多人寧願抱住比人笑都係曝光率既心態,做啲白痴野希望引人注意。其實要咁做冇人可以話你,畢竟係你自己決定,但如果你係推人去死然後幫自己做宣傳,咁你就真係屎都不如。

一個MV拍左九百蚊換黎四十萬點擊,自稱做哂幕後野既Duen Tuen立即出黎話係佢拍的,仲話果四個係學生妹,冇收人工,叫大家唔好針對人地,但明明乘機宣傳既就係佢自己。依四個係學生妹?咁點解我係面書一打FFx就會見到一個佢地組合既PAGE然後大大隻字寫住藝人。有係電腦通訊節表演,有接受東方訪問,但因為比人鬧就話人地係學生妹,咁樣係咪輸打贏要?又想借件事加強自己曝光率,但又唔想比人屌,不過個MV又冇樣得,唔通你想我睇住條垃圾片然後讚你咩。

係度怒屌自己好作品冇人睇,點就唔諗下點解自己所謂既好作品紅唔起。個個都話自己懷才不遇有幾難,我夠話我依篇文根本可以拎諾貝爾文學獎,點解冇人睇完即刻去提名我,唔通我又話香港文學已死?搞死香港樂壇既有好多人,有淨下載唔買歌既香港人、有填詞填到屎咁搞到到而家仲要靠林夕黃偉文等人撐住既填詞人、仲有唱歌唱到五音不全仲以為靠個樣(但仲要樣都冇)就搞得掂既藝人。我就算要慚愧最多都係我唔比錢買陳奕迅隻碟而上網下載,但我冇欣賞過你果堆所謂心血結晶既歌,我心安理得。

睇到自己咁高,啲歌紅唔起全部係人地既錯,你自己就冇錯。醒啦仆街,機遇依兩個字你識唔識啊,一尾靠發白日夢就想紅,大把人係自己理想興趣下廿幾年苦工到最後都冇人賞識啦,但怪得邊個?講到唔聽你既歌就係搞到樂壇已死既原因之一,真荒謬。

你慚愧嗎?不過我問黎都多餘。

一個讚好,是對我的一點支持。
如果想分享給其他朋友的話,請標明出處並附上專頁網址。