行動派同論述者同樣重要,大家只係分工合作。

優秀的論述者會揭開社會謊言,指出真相,並提點行動目標,而非橫生支節。

不作無謂犧牲,不需要再用畫面去證明藍絲、警賊係仆街,唔使情緒化搏拉,走得就走。依幾點,請行動派深思,到底有無講錯。

本土派貌似人多,但實質勢單力弱,無錢無人,比人拉左,唔似左膠有泛民,有金主有大律師,幫打官司。司法覆核,律師費等等唔平,你比人拉左,我諗本土派真係無好多錢可以籌去救你。本土新聞之前都告急,無錢營運,諗諗Myradio點解要搞月費計劃?

革命路長,想急都急唔到,族群鬥爭之要點在意識覺醒同具體化,而媒介就係要靠文字、演說、書本,正如當初城邦論令我覺醒一樣。當越多人覺醒,自然本土行動派既人就越多,行動越有保障。請行動者唔好一時意氣,目前唔係佔領期間,民氣尚未恢復。

說鍵戰是抗爭者衣食父母一句(http://polymerhk.com/articles/2015/09/09/20690/),可能有言重,其實鍵戰跟前線義士也是抗爭者。不過,請細心思考,面對目前傳統赤化媒體,我們的行動早已被扭曲報道,而鍵戰在網路媒體為群眾指出事實,解釋行動理念是相當重要,可令更多人投身行動。試想如果完全沒有鍵戰,只有行動派,輿論上徹底被扭曲,行動者會可能就永遠被誤解。而另一方面就算沒有行動者,鍵戰也可以單獨存在,甚至自身成為行動者。

是先有陳雲,才有城邦勇武派,而不是有了城邦勇勇武派,才有陳雲。陳雲是理論提供者,以及先驅。

又提一個例子,日本的土反本龍馬,提出[1]船中八策,奠定現代日本的國體,如果龍馬身先士卒,更早就暗殺死去又或被捕,後繼何人?

但如果你一定要問論述者有無負行動者,我無一個客觀答案,但我可以話你知,每次見到義士係前線被拉被打,我都好內咎自已幫唔到手,但唔代表唔可以批評行動失當之處…

唉,大家唔好嘈架喇…

Footnotes    (↵ returns to text)
  1. 船中八策:
    一、天下政權還於朝廷,政令應當出於朝廷。
    二、設上下議政局,置議員以參萬機,展公議以決萬機。
    三、公卿諸侯,以致天下人才,舉其有能,並且賜官晉爵,以爲顧問,另削有名無實之官。
    四、廣棌公議以交外國,檢討規約以定其當。
    五、覆核古有之律令,撰定完善之法典。
    六、擴張海軍。
    七、置親兵以衛帝都。
    八、金銀貨物等市易之事,應參照外國,定其宜當之法。
    以上八策乃察天下形勢,審宇內萬國而後定,為舍他無二之急務。若行此數策,必將挽回皇運,擴張國勢,與萬國並行,亦非難事矣。乞願本公明正大之理,行英明果斷之策,則天下必可更始一新也。

    取自維基百科