Facebook 係網民嘅世界,係被生活空間壓榨到不能透氣的香港人少少嘅發泄渠道。你們又點可以怪一個公眾人物係自己個wall度發表自己的偉論,而且每一日建制的言論機器都在不停運轉。

 

學和平佔中糾察長話齋,你地轉移視線,搞到對準唔到政權,中哂計喇,咁留意佢,你就會睇少左SCMP啲建制評論。你地唔可以因為咁就搞到關心唔到鉛水事件,區議會選舉有人收買青年新政等團體,尖東河濱要俾新世界發展等等。

image

 

香港人爭分奪秒,受軟唔受硬,你要咁上下嘅對手先可以對抗Race。但如果你係謝安琪BB,人地講愚論,又我咩事。到最後人地RaceBB一句:「I don’t live in HK.」就all kill哂大家。學高登仔話齋:「有錢就有女,your face your fate.」係女人身上,都一樣道理,你叻豬嘅入到娛樂圈咪做才女主持,睇下前排個個cctv前主持柴靜嫁到去美國,為左個女兒就去講真心話,拍套霧靄紀錄片。你係ABC,但有樣嘅、又有錢嘅一係就好似陳茵微咁,嫁俾城中筍盤之後,有仔唔要貓,一樣咁多代言廣告同夫妻檔搵銀,班港女一樣受落。Race冇好似呀法拉女神咁甩拖,成功冧掂佢老公,新加坡富商,嫁入豪門,就算你係佢個Facebook專頁留言鬧佢bitch,依然唔會影響佢個仔即係son of bitch,係人地其中一個香爐躉,蠃在起跑線上。

 

Race係一個花瓶,你唔可以因為否定花瓶,就歧視佢講嘅野,你用一個事實黎鬧人,人地梗係當你廢嗡,佢離地係事實,同呀媽係女人一樣,你唔洗走去鬧佢離地。呢種只係因人廢言嘅行為。

 

人地梗係唔會明白咩係local business 啦,因為呢人地係唔會知茂波局長執意發展嘅東北有幾多農地,本土嘅加工廠供應緊醬料俾茶餐廳等食肆。

 

人地都唔會知自由行搞到週街藥房同化妝品店、名牌店迫死幾多小店嘅生存空間。

 

人地梗係唔會知市建局搬遷發展,明明有賺,但都榨壓原居民又冇得原區安置,只係為左起啲冇歷史價值又冇街景可言嘅大商場同偽裝古典的蘇豪區。

 

人地就梗係唔會知通漲加租,住個消防條例都未必合格嘅工廈劏房都要被人趕出黎。

 

我地係唔會識人地眼中嘅economics咁宏觀經濟效益嘅概念。

 

人地係新加坡呢個鬧下領導人都要入獄嘅國家入面享受緊佢嘅自由與美好的生活。係人都知許多富豪開始將產業同基地搬去新加坡。

 

佢係新加坡歎緊世界時,我呢個港女只係係度諗緊點解譚仔三哥啲尖椒皮蛋有蟲。最多只係去某間排哂隊嘅食肆,食餐飯就要影n咁多幅相先post得上ig,再外加句偽ABC英文captions.呢啲係同人唔同命,你要說服呢啲人去明白你嗎?你咪捉佢去窮富翁大作戰。

 

女人係要又呵又哄架,你咁樣樣鬧佢,佢咪又係覺得你人多嘴雜,人多蝦人少。

 

我都係半個馬來人但同Race唔同level,不過Race話自己係新加坡人。因此我深深明白港豬係唔可以被改造,我甚至對佢言論所反映嘅價值觀感到驚嘆不已。但我不以為然,佢踩多兩腳,我地咪顯得更可憐,香港好多人都享受悲情。

Why so serious?