我唔記得幾耐冇係標題用粗口,但係為左一個座位而嘈左咁多年,我真係覺得哂氣。香港人有時好鍾意偽善,啊婆冇位坐你就會鬧坐係度既後生扮睇唔到,但點解地鐵站門口有個啊婆坐係度乞食你又唔鬧經過既人咁都唔比返十蚊八蚊?為左個位嘈到咁樣,不如第日巴士地鐵全部位都拆左啲位去,全部人淨係可以企。咁一黎又唔洗嘈,二黎每轉又裝多幾條友,香港做生意緊係咁做啦係咪先?

香港政府好鍾意講包容,周街有人遺金要包容,搞到成個小學都講普通話更加要包容。但係點解你地又唔包容下個後生可能返工返學成日好攰可能佢唔舒服可能腳痛?如果歐洲美國係種族歧視最嚴重,咁香港就一定係性別同年齡歧視。男人有幾弱勢我之前已經有講過,而係香港只要你係後生你就係社會既最低層。如果你係一個後生仔,恭喜你你更加係地底泥。只要你係後生仔基本上就係有罪,見到啊婆唔讓座係廢青、見到大肚婆唔讓座係垃圾、見到啊叔唔讓座係人渣。你話後生仔掛住玩電話睇唔到咩,淨係識做低頭族既肯定係溫室小花,唔挨得。搭巴士胡楓都叫我要玩就坐低先啦,我而家坐低左又唔可以玩電話,咁我要部智能電話托柒啊?明明所謂關愛座一行頂盡得兩個,但係後生仔跟本就冇坐既資格,咁不如第日全部淨係比班所謂有需要人仕坐啦?但係班大陸人又唔識睇繁體,有位就一定同你搶,理得你係九十歲既傷殘啊婆。你話佢佢又會屌返你轉頭,最後又係坐係度唔肯郁。所以學黃子華既魚蛋論咁講:我冇得坐唔緊要,我要佢都冇得坐。咁樣先係最符合香港人既價值觀,亦都符合運輸公司既經濟效益。

我唔知點解但凡有咩事都好,錯既一定係後生。買唔到樓係後生唔敢拎借政府既大學學費炒孖展、覺得人工低係你唔肯為公司付出唔試下一日三餐淨係食方飽、政府話結左婚生五個就最好而政府又覺得你班後生唔係五個都養唔到掛。好啦面對住咁多既壓力,連放工搭車想坐低自閉下都要比人話你唔敬老冇人性依樣果樣。你想我地班後生點啊?一日返廿四小時工有機會放工隻腳斷都好又要唔坐去「禮讓」老人家,明明月薪得八千又要比家用又要拍到拖仲要儲到錢買樓。你班五六七十後唔係好鍾意話以身作則咩?你做比我睇啦不如。

一個讚好,是對我的一點支持。
如果想分享給其他朋友的話,請標明出處並附上專頁網址。

https://www.facebook.com/MaoYanDe