好多話題可以造成世界大戰,幫女人拎手袋就係其中一個。有人話咁係紳士風度既表現,但又有人話咁樣一啲都唔MAN。到底幫女人拎手袋係咪就冇男子氣概?而女人又係咪應該拎返自己手袋?

我記得中學果陣英文MISS同我地班男仔講,第日拍拖一定唔好幫女仔拎手袋,佢話「男人老狗咁樣貪好睇咩」。的確一個男人拎住個女裝手袋實在唔太好睇,而且好多時係街見到個男既幫女仔拎手袋,但明明個女仔隻手係冇其它野拎,我唔明有咩理由要個男仔幫你拎手袋。有啲女仔會話「個袋好重」,係既,我都有女朋友咁樣講過,但佢都只係將重野放落我個袋度,從來唔會要我拎住佢個手袋行街。當然有啲情況例外啦,就好似佢要去廁所或者要揀衫咁,幫佢拎住一陣自然冇咩大問題。

其實聰明既女人應該係適當時候去比面子男人。男人最需要既其中一樣野就為係尊重,而唔洗個男人幫你拎手袋都係尊重既表現。有時候男性唔介意出錢請你食飯,但唔該你唔好當做例牌。拎手袋亦都係一樣,你有需要果陣幫你拎住絕對冇問題,但唔好每次一出到街就扔個手袋比男伴,將件事視作佢既「工作」。換個角度諗,你顧住男性面子既話,佢都會好識做咁主動拎張卡出黎埋單,係經濟角度黎講都有你著數。

有幸到現時為止我遇到既女朋友都冇要我面對「拎女人手袋」依個難題,但身為一個男人黎講,其實真係冇幾個會想咁樣做。有好多女仔鍾意用「你睇下啊邊個」黎暗示人地男朋友都係做,果個係人地男朋友,相處方法等等都同你地唔同,而你男朋友都冇用「你睇下雞排妹」然後指住你果對攻擊性武器。其實兩個人相處都要顧及下對方感受既,你都拎住個手袋出街就唔爭在一路拎落去啦,真係重既咪放小小野落男朋友個袋,或者下次唔帶咁多野出街。識得比面子男朋友,男朋友又自然錫你多啲,黎講雙贏局面唔好咩?

一個讚好,是對我的一點支持。
如果想分享給其他朋友的話,請標明出處並附上專頁網址。
https://www.facebook.com/MaoYanDe