香港十大磁能線

《香港十大磁能線》 文/張翼 圖/毒薯
 
〔壹〕教育磁能線:學校啲堂冇學過
學校免費教育上堂訓撚哂,落左堂萬萬聲左撲右撲大排長龍咁搵補習。考到好成績當然要第一時間多謝補習老師。
 
〔貳〕飲水磁能線:水喉啲水唔飲得
水喉既水唔係FOR你飲,每日起身第一件事,係打開廁所廚房所有水喉沖夠十分鐘,之後先好刷牙洗臉沖咖啡。
 
〔叁〕人體磁能線:你要唔要食一甩呀?
所有毒素拉勻一世計其實都係好少姐,冰茄曲香其實都唔怕試返兩劑。
 
〔肆〕打工磁能線:忠忠直直,終需乞食
返八個鐘叫懶,OT叫正常,唔訓廿四小時ON CALL先叫勤力。拉勻計人工仲低過38。
 
〔伍〕股市磁能線:俯瞰住香港風雲上落既,唔係上帝,係IFC
嘭一聲升上二萬八千五,大家一路啀阿爺好野一路係最高位入市;轟一聲跌剩二萬二千五,大家一路祈禱阿爺救市一路係最低位拋售。似乎冇咩人仲記得呢個市仆直都係因為中國啲熱錢亂咁炒。經濟繼續昇平,阿爺繼續好野。
 
〔陸〕置業磁能線:其實我有少少掛住八萬五......
靠父幹俾首期叫叻仔,儲錢買私樓叫發夢,18歲入紙排公屋叫識規劃未來。
 
〔柒〕搭的磁能線:一程的士二百五
過海太麻煩唔車,太短冇錢賺唔車,太遠唔識路唔車,太僻冇回程唔車,醉酒唔車,輪椅唔車。但水貨走私賊絕對車。人地俾夠二百五,當然車啦。
 
〔捌〕情慾磁能線:就算佢孌童癖,咁又點喎!
同志當然要平權,雙性變性當然都要平權。但必需要做埋正視性工作者,連小妹妹都要情慾自主,廢除衰十一,廢除兒童色情物品管制,最後見到人俾人強行插入或愛撫,都要問下佢EN唔ENJOY先決定幫唔幫手,咁就真正情慾平權啦。
 
〔鳩〕武術磁能線:胸者,凶也,凶器之屬。
男人永世都唔會夠女人打,因為女人個胸除左可以拎黎搏狗公搏出位搏升職同搏包養外,仲可以拎黎搏鬥。
 
〔拾〕警察磁能線:除暴安良好公安
俾人打,報警,警察打多你兩野。俾人非禮,報警,警察摸多你兩野。俾警察打,報警監會,警監會轉介返去警察自己處理。得閒無事係屋企上FB吹下水,唔使報警撚,警察都會自動上門拉你。
 
一句到尾,生係香港地,唔痴唔正常!

[一弦筆發Speechness 出品 https://www.facebook.com/speechnesshk] (如果大家唔嫌棄既,不妨click入去俾個like我地,追睇我地既更多好文章 <3 )