今年書展真係嚇親小弟。睇到書商係書展最後一日,將賣唔出既新書按斤計咁當垃圾棄置

驚訝香港書展搞成咁,文化頓成垃圾,文字猶如廢紙。真係心到翕埋。我成日覺得,香港唔係冇人睇書,又唔係冇人寫書。但點解香港既文化事業會搞到咁不堪?

書展商業化非近年之事,但始終書本身代表著當地的文化。書唔同食物,唔係賣唔去就要即刻倒左佢,書唔會有食用期限。一本好書,十年後再賣,一樣能夠賣得出去。但書商自己身任出版商,負責賣書,卻完全不重視書本。此等隨意丟棄新書的惡劣行為如同宣告自己就是賣垃圾。

你賣垃圾,又點鼓勵大家買你既垃圾呢?連自己都唔相信自己賣緊既野係有價值既,做文化產業最可悲,莫過於此。

連賣方都唔相信自己既書,叫讀者點買呢?書展最尾一日,有書商推出$100蚊任你攞書已經令我覺得十分傷心,作者花心機寫的書被如此賤賣,實教香港創作人心寒。買書除了買書本外,更是對作家的尊重。100蚊任攞對任何一個用心創作的作家來說,都是赤裸裸的侮辱,是一種不能接受的輕蔑。而這種難以置信的行為,不是出於$10蚊店,不是出於地攤檔,而竟然是出於應該最知道書本價值的出版商之手。教人情何之堪呢?

本來以為這已經夠過份,沒想到書展一結束,書商竟把自己唯一的資產-書,像垃圾般隨手丟棄。就算從最功利角度計算,書本也是書商的生財工具。你能想像steve jobs把上千部蘋果產品倒進大海嗎?

書商仿佛不停向大家灌輸一個概念:書是無價值,無意義的。

當然明白,要保存賣不去的書需要存倉費,運輸費等。的確都是成本。但若然書商根本不相信書本能夠在書展以外的地方賣出去,當初又何必浪費紙張出版呢?

就算真係因為各種原因無法保存書本,也不應該丟書。可以選擇送給有需要的人,可以選擇捐書。總好過當垃圾咁丟低曬D書係書展。

由一班毫無文化,不重視書籍,甚至連些少責任感都欠奉的書商去經營香港的文化事業,出版界又那有希望可言呢?

自己都算一個愛書人,亦算半個寫手。睇到一本本書被人咁樣糟蹋,除了替作家們感到不值外,也十分心淡。