羅生門既成功,代表認真製作香港本土音樂既歌手仍然有出路,仍然有市場,仍然可以獲得可觀既回報! (呢隻唱片雙白金應該係最低銷量喇掛!?筆者表示最少買兩隻)

圖片來源: 麥浚龍微博

圖片來源: 麥浚龍微博

由十多年前至現今,唱片業一直認為非法下載(再之前係盜版唱片)係影響唱片銷售既主因,但佢地從來都唔正視唱片製作水準下降既問題。

好啦,你指出唱片質素唔撚掂喎!佢地又會A字膊話,因為市場萎縮,無人買碟,所以無筆直創作。

嘩,講咁耐原來係我錯呀屌你!?將責任拋俾消費者真係一個好愚蠢既做法,依家老馮買你既碟呀!?你做得唔好梗係無人買啦,多舊魚!

到底係「無人買所以無資源創作導致質素低劣」抑或係「質素低劣所以無人買唱片」?呢個問題驟眼睇,好似「有雞先定有雞蛋先?」咁複雜,但說穿了根本係偽命題!有麝自然香 ── 產品係高質既,自然有人識貨!

今次羅生門既成功引證左一樣野:粵語歌其實好渴市,樂迷一直都好飢渴,係你地班唱片公司不思進取、故步自封!香港人聽粵語歌就好似日本人食壽司一樣,係一種文化一種習慣,天經地義!點會無市場呢?

再者,隨住音樂平台app(iTunes, spotify, kkbox, JOOX 等等)既出現,賣歌理應賣得更好,細公司都有本錢同大公司抗衡,打破獨大既局面。而獨立歌手亦可以靠音樂蜂呢類以集資形式,幫歌手集資既平台去製作自己既音樂(記得腳踏實地,唔好自己捐比自己咁古惑呀,我絕對無影射任何人!)

最後筆者希望各大唱片公司同埋音樂人,比心機做音樂,唔好怕蝕底(老屎忽tone),以香港為本,做香港人既音樂,其實粵語市場一直都在 ── 光復香港樂壇既鎖匙一直都掌握係音樂人手上。