由黃家強名字出碟的"Be Right Back"開始,嗰一首"驚恐症",真係嚇撚死好多Beyond Fans,攪到佢D碟個銷售數字見唔到光,唔係有家駒光環罩足十幾年,個數字可能恐怖過恐怖片。直到而家"沉香",夾夾埋埋出左5隻碟,全部"名不見經傳",唔蒲唱片鋪都唔知佢出碟,之前更加有人形容佢D歌好似數碼暴龍卡通歌咁,無Feel,無靈魂。

香港樂壇唔係一個你瀨死就會賺到錢,或者有光環就會一世受歡迎既地方。玩音樂又想明成利就,有車有樓的話,一係就富二代,一係你就搞關係埋堆啦,唔係嘅話又點會有樂壇小強呢一個名詞呢。講銷路講包裝嘅時候賴死只會令人覺得更討厭。

黃家駒死後,家強同Beyond嘅前經理人Leslie的版權問題開始發生。家強就口口聲聲話冇版權錢收過,阿Paul亦話冇收過一分一毫,家強睇錢重過音樂就已經好影響Beyond個名。唔好講Fans,心水清D嘅香港樂迷都睇得出,你似冇錢洗,又想重組Beyond,開番幾場演唱會,咬老本。我地真係唔會介意,但係你唱Beyond歌就好,唔好再騎劫個演唱會唱你自己D歌。我都係其中一個Beyond嘅Fans,其實Fans真係寧願你食番家駒老本,日日"今天我…",都唔希望你用Beyond係大家心目中既地位嚟抬高自己,有句古語叫 __ __ 不能雕,我希望你會係一大條"沉香"。

家強唔掛住Beyond或者家駒細路既身份,係冇咩可能入到娛樂圈玩音樂。Beyond入面得家駒同阿Paul做主力作曲主唱,其他位置,是但搵個人都取代到。世榮手鼓一流,但係打左30年鼓都難再有驚喜,其他都"菩提老祖"啦,但係家強除左冷雨夜曬下Bass Solo之外,亦無突出表現。

明明唔得,仲瀨死係娛圈只會變成第二個Tommy仔,無人想見到。家強好有心去甩左Beyond個名,諗住自己可以打出天下。但現實話你知,難,難,都係難。出咗五隻飛碟都應該心息。好多人出一隻碟唔賣得就成世收皮。家強已經受到各方關照,大愛加持了。

有人不滿佢仍然掛住家駒兄弟名義表演,大唱海闊天空。高登叫呢種唱腔為:鏈春袋唱法,其實佢唔靠家駒同Beyond個名,仲點搵到食呢。

其實黃家強應該由零開始學音樂,與時並進,先能夠係現今樂壇有自己嘅舞台。食到老本以為自己係前Beyond Bass手就好撚勁,夠料獨當一面既話,就唔會好似而家咁。"以兄之名"又憑咩"昂首闊步"呢。
再唔係就好似Joey Tang或者單立文咁,轉做幕後,做下代彈,係人地演唱會做下結他手,上節目show下quali都唔錯架。又或者好似世榮叔咁,掛住前Beyond成員名字,去教下0靚仔打鼓,作育英才咪幾好,我相信家駒都係想將"當年Beyond精神"同搖滾音樂代代相傳,幫香港樂壇變得更加多元化。當你未試過唔靠阿哥,想試下自己得唔得,都俾你玩左十幾年啦,得唔得第一隻碟就睇到。
因為靠Beyond,你已經俾其他有料之人多左幾十倍機會,你都做唔起,好應該死心吧啦。黃家強好應該去"春風化雨"暖透Fans同香港樂壇"疲倦的雙眼帶著期望"嘅忠心樂迷做一D目前表演以外嘅貢獻啦。