選舉年臨近,又是各派政客出動競逐議會席位的時候。但有人力資源顧問批評,五、六十後議員工作表現差勁、自我中心、抗逆力低,卻坐著淨袋八萬多月薪,反映老一輩已經不能勝任代議士的繁重工作,換血事在必行。

自我中心扮大佬

聚言人力資源顧問駱生批評,有些五十後議員過份自信,自以為是同儕中的領袖,竟在開會期間呼籲同事離開,企圖癱瘓會議,卻因溝通不足,功敗垂成,「條友都戇鳩嘅,以為企起身走啲伙記就會跟尾狗咁跟佢走,係,係有唔少智障員工人講佢就做,但係最弊走唔哂呢,卒之個會照開,但班友就落得個曠工罪名,你話死唔死?」駱生談到五十後議員的心態,不禁搖頭苦笑。

 

news_photo_A02b_nec01p03190615copy

老一輩議員扮大佬離場,卻因溝通不足,遺下真正的老屎忽擘大個口得個窿。(圖片來源:發明場外點票的《星島日報》)

是次經驗除了反映部份老議員虛妄自大,更反映他們與同事之人際交往差勁,當帶頭議員離開時,竟有同事反抗,堅持留下;有同事根本不知發生何事,呆坐當場;有同事甚至被嚇得連票也忘了投。駱生批評,溝通能力是現代社會最重要的競爭技能,五、六十後議員卻辦得一塌糊塗:「議員唔係應該把口好叻架咩?溝通都做唔好,仲話議員喎!議?邊撚度議呀?議~員喎!」駱生笑道。

盲從跟風,毫無主見

上述離場事件盡見老屎忽議員之性格缺陷,有人囂張自大,也有人抱羊群心理,人做佢又做,卻不問原因,有五十後女性員工甚至直認「我係跟大隊嘅啫」、「我係跟民建聯,因為佢哋係建制派黨鞭嚟,你哋都知道啦」,駱生認為,議員獲市民授權,在議會發言及表決議案,該女性議員竟承認自己不動腦筋,盲目跟風,「咁選你入去做乜?選隻狗入去就得啦,人地叫佢跟住吠都一樣啫」,當記者詢問駱生該女議員跟狗的分別時,駱生卻沉默不語。

等齊人才肯開會,不可思議

九十後員工曾被批評竟要等同事一起上廁所 ,沒想到同樣情況竟也出現於老一輩員工身上,有議員拒絕開會,原因竟是要「等埋發叔」,駱生表示不可理喻:「先唔好講個個發叔返工遲到已經係死罪,佢都係慣犯嚟架啦;人地遲到係人地嘅事,你地咪繼續做自己嘢囉,有乜可能要等齊人先開工?癡撚線!」,「你遲到又話因為要等埋發叔,佢去Pantry蛇王又話因為要等埋發叔,咁公司啲嘢唔使做啦?」,「最過份係自己唔開會,將個責任推卸落去一個老員工身上,根本就係班人自己無責任感,唉!以前光緒年間啲人邊係咁架!」駱生越說越激動。

左為事件之代罪羔羊:老員工發叔,右為推卸責任、自我中心的廢中員工:林健鋒。

左為事件之代罪羔羊:老員工發叔,右為推卸責任、自我中心的廢中員工:林健鋒。

抗逆力低,少少挫折竟當眾灑淚

人誰無錯,工作上犯錯出醜,認衰改過也就算了,但五、六十後議員普遍逆境智商(AQ)低,少少挫敗,竟在大庭廣眾哭得梨花帶雨,駱生批評裝可憐根本無助改善工作表現:「喊就有用啦咩?老闆請你返嚟喊呀?係做舉手機器投票呀嘛!咁簡單嘅事都做唔好!最有資格喊嘅唔係你地呀,係大老闆呀!係習總呀!你知唔知佢洗幾多錢嚟養你班廢柴呀!」

五、六十後議員做了幾十年人,一時失敗竟就流淚,絕對是教壞細路,扣分!

五、六十後議員做了幾十年人,一時失敗竟就流淚,絕對是教壞細路,扣分!

老屎忽竟做低頭族,沉迷社交網站

八、九十後上班偷偷以手機上社交網站素為上司所詬病,但天下烏鴉一樣黑,早已有議員被揭發開會時看美女艷照,但一眾老議員並無以前車為鑑,有員工開會看美女督波(是桌球)影片、有員工則偷偷Whatsapp聊天。駱生表示,正如某姓屈作家所言,忙裡偷閒情有可原,但是看美女影片則有傷風化,「唔知係咪立法會睇J圖J片特別興奮,唔明點解次次都有議員咁做。」,他建議立法會增設影音室,滿足男員工需要。

phone

五、六十後上班時沉迷手機,情況令人關注。

亦有員工愛在社交網站道同事長短,甚至出圖譏諷,駱生認為這是不良示範:「同事之間最緊要係維持良好關係,咁樣串人已經埋下仇恨,咁樣做邊個最開心?就算你今次單JOB做得好比老細讚,都冇理由三分顏色上大紅,須知風水輪流轉。不過我都明嘅,上次佢比老闆燉冬菇個陣,班仆街同事咪一樣落井下石。」

1434640391697SL4_46D6AC55A340B5B5A7EF0C53300ABAE3

五、六十後議員於社交網站暗諷出錯同事為豬,此舉頗有不當。

炒又炒唔到,糧又要照出

如此多缺點,為何這班議員仍然保住飯碗?駱生指出,縱使這班老一輩員工如何不濟,不公義的選舉制度仍終將庇蔭他們繼續胡作非為。此外也有一班弱智「老闆」,因為一碗蛇羹,或者一隻包著咸蛋肥豬肉的賤糉,就繼續聘請這班低能力員工。他坦言,這種制度一日不終結,這些員工仍會繼續吃著皇糧演鬧劇。