香港人真係好鐘意認屎認屁,只要你攞住香港身份證,你得到任何獎項,都會有某團體出黎話呢個係香港人,係我哋香港之光,完全冇理過佢係咪真係因為香港訓練出來而得到獎。心諗,你畀過啲咩去訓練人?你畀過咩環境人?係香港嘅時候你有冇支持過人?有冇提供過資源?輸打贏要。

有好多所謂「香港人」都係飲外國奶水大,係外國受訓,走外國草地。贏左就係歸功於你?要睇你點定義為「香港人」。法律上,有身份證都叫香港人,而今次香港足球隊都係一樣,好多人唔理好醜,覺得贏左就當香港人之光,但係點解大陸人攞到身份證你又唔認同佢係香港人呢?究竟你係跟法律定係睇心情呢?佢有貢獻你就拿拿林認佢係香港人?

今期香港隊所謂贏,我就唔恭喜啦。見到個出場名單,嚇一跳。就好似你組隊巴西隊之後叫自己香港隊,入面全部巴西人,你畀個身份證佢叫佢做香港人,或者你畀錢買起美斯,畀身份證佢,然後叫佢做香港人,佢贏左就好滿足大叫香港隊好野,咁樣既話入Final都唔成問題架,足總要威,要賺錢,就算入面冇一個黃皮膚黑頭髮,香港人仍然大叫香港隊好野,總之贏左就乜都得。

大陸串你香港隊有幾多香港人,其實呢個問題好多年前既LMF都曾經串過。

正所謂本地薑,未必好砌。本地波,又真係幾難睇。你睇下隊「港聯」既外勞比例,已經遠遠超出左市民既估計。世界排名卒之升到百幾位,件波衫都仲係尐核突既設計,咁渣都打假波,竟然仲要有人制。而香港隊入面咩人種都有,如果唔係因為人種問題,你認為香港隊會加入外藉球員嗎?講到尾都係想香港隊同其他外國球隊差距唔好太遠,用外國人既身形、體力,去拉番近少少。

而家嘅香港人真係唔俾人串得,好有蝗味,冇左英藉時期嘅商貴氣質,郁尐就拍人片,當街鬧人,起底。大陸人有霸氣,香港人其實都唔係高級好多。97後出生既年青人,蝗氣更重,唔鬧得,唔打得,唔串得,不接受其他異見,異己者,必然人錯,只有自己是對的。

我地呢班老人家,只認同50年代嘅香港足球。當中也有台灣人、大陸人、香港人。大中華球隊,更顯龍的傳人。

如今的香港隊,我都不能叫佢做香港隊,如果你話代表香港,我會揀明星足球隊。雖然呢個情況好多球隊都有,但香港人真係唔需要用咁既方法去誇大自己既實力,等香港真係有一隊香港隊既時候先開心都未遲。