大眾平日行街上網,要先設定開啟流動數據,計住容量上,爆quota就只能停用或比錢買附加容量去上網。而且,香港只有數個大台,平民去到某幾個地鐵站或街巷黑點就完全收唔到,但每到月期截數,就要交成四五張紅衫魚埋單。出外旅遊,租用 流動Wifi ,上網都是間中斷窒,未能第一時間上分享相片,十分掃興。如何是好?

呢盞「燈」(Lantern) 可以幫到你。

Lantern其實係一部手提 WIFI 接收器,容許用家自設小基站,連接對外網絡。Lantern唯一跟其他同類接收器不同的,是利用 Outernet,連接外太空的 Wifi 發射站,交換流動數據,而且長度只有兩個拳頭手位,容易收藏。

Outernet,係一個綜合定位衛星、地球衛星、和地上網絡之間的通訊網絡,利用大氣電波分享網絡。用家可用手上的電話或電腦開住Wi-Fi,連接 Lantern。Lantern之間就用 Outernet 互相交換檔案。即係話只要有衛星,就可以上網。

另一個獨特之處係 Lantern 使用太陽能發電,支持連續四小時Wi-Fi 上網。而且內有 micro SD Card 卡位,USB 插頭,可以存取和閱讀影片、音樂、和其他檔案。

發生災難時,Lantern 更大派用場,快速交換災情,有助救援工作。

見Lantern如此方便,政府也許想立例監管,限制流傳。不過開發團體發言人指出,Lantern 可以隨時轉Channel,監管衛星難度極大,加上現時採用的頻道有不同頻寬、傳送速度和其他手段杜絕審查,可叫目前 Lanterns用家可以安心、合法使用。

參考網站

http://www.appshooting.com.tw/2015/05/lantern/

https://www.indiegogo.com/projects/lantern-one-device-free-data-from-space-forever#/story