圖片來源:《蘋果日報》

圖片來源:《蘋果日報》

相信近日有留意肖友懷事件嘅人都有留意到一位就讀大成小學嘅小妹妹係示威者離開後講出以下一番說話:

「點解啊?我哋學校一路淨係想畀啲新嘅同學知道知識,個個人都唔知道……犯咗法又點喎!點解要貼呢啲嘢呀?」

好多人睇到段片都覺得有可疑,點解一個年幾咁細嘅小妹妹可以講出依番就話,再加埋小妹妹嘅手勢,有人甚至覺得似做緊 presentation。我覺得件事有兩個可能(以下用第一/二可能):

第一可能:發自妹妹真心

如果依番說話係發自妹妹真心,咁“犯咗法又點喎“依句就話就有好大問題,我認為妹妹萬一真心講得出依句說話都有兩個可能(以下用可能A/B):

可能A:
妹妹根本仲未學習到守法依個基本法治意識。相信一個小一或以上程度,係香港受過教育嘅學生都會有守法意識,小妹妹睇落點都有小一以上,如果連守法意識都無就真係香港教育嘅悲哀。

可能B:
小妹妹對法治意識已經領悟到法治唔只係守法嘅層次。

例如我地係佔領果陣做嘅事,我地當時知道惡法都要守真係唔掂,所以就明知犯法都去反抗,真正法治係要嚟維持公義。

小妹妹咁細個就講得出"犯左法又點",咁我又懷疑香港嘅教育有無咁勁令到個小妹妹明白深層次法治呢?

如果可能B成立,咁就要講到令我覺得好心寒嘅第二可能,妹妹俾人教唆 。

第二可能:妹妹俾人教唆

如果妹妹係俾人教咁樣做場戲嘅話,依個真係一個道德災難,依個小妹妹真係唔知俾人灌輸咗啲咩價值觀俾佢,咁細個就會做出啲咁嘅事,大個咗佢會變成個咩人呀?覺得自己對道德有責任嘅人唔係當睇唔到、當無咗件事呀?無係忍心見到香港會教育出咁嘅下一代呀?

如果你地真係認為對道德有承擔嘅,你地真係要好好先搵出背後原因,先去救救香港嘅下一代比指罵其他抗爭力量重要呀!

萬一真係查明有人教唆小妹妹嘅,各位道德義士就應當對教唆嘅人渣有所行動先係呀!

如果你地咁都覺得無可疑,我就會好懷疑大家對道德嘅承擔有幾大。

妹妹,我覺得你好可憐,要生活係一個扭曲晒嘅社會,連負責教育嘅教育局長都會公然誤導大眾:

吳克儉公然講大話 稱激烈示威者令女孩「驚到大喊」

最慘仲要有人俾依啲說話誤導到,依啲其實係大人嘅錯。

p.s.
話說回來,各位焦點係肖有懷發唔發居港權嘅抗爭者就應該考慮下到學校示威嘅成效。