圖片來源:Cuson Lo

圖片來源:Cuson Lo

肖有懷(肥仔)可憐就要俾居留權佢?諗都唔好諗!

先例一開容咩易香港變咗可憐雙非童第一收容港,大陸要走落香港咁易,攞張雙程證就大搖大擺落嚟,走到落嚟就賴死唔走,簡直係平得嚟又低風險嘅偷渡方式,如果你話有條友走落嚟賴死唔走喊兩句就攞到局留權嘅(都唔講個肥仔周街打人住),到時咪大把大陸童話自己可憐湧埋嚟!

大家都應該記得當年莊豐源案,終審院判莊氏勝訴,先例一開,雙非嬰兒係香港出生即有居港權,之後導至大量雙非人嚟香港生細路,攪到醫療學位等資源分配出現嚴重問題,可謂前車可鑑,所以同情心笨唔係咁用嘅。

不過做咩依個時候爆依單野出嚟惹起大家注意呢?

唔係6月表決政改咩?

會唔會係想同時爆幾單野等你都唔知理邊單好呢?

有消息提過會係6月政改表決,不過依家班友死都唔講幾時表決,我估可能真係仲未夠票就係度玩賴皮死都唔表決,有人講掂數有著數就轉軚是常識吧,依家分分鐘只係吊高嚟賣,到時一夠票就會失雞無神話表決等大家嚟個措手不及,仲要係 weekday 表決,因為睇死啲香港人 weekday 要返工就唔出嚟反抗,上次1130 龍和道包圍政總就已經證明依點。要記住,表決過咗就係袋一世,所以今次係要阻止表決而唔係通過後先走出嚟。

如果想表決前要佔領立會我唔反對,不過宣怖表決後立會一定重兵注守,要諗清楚,尤其係想和平衝入立會就更加要諗清楚,上次龍和道經驗話俾大家知如果無比班差佬大幾十倍人係唔會成功,仲會做成極大損傷。

其實其他方法都可以考慮,例如先發制人,失雞無神搵日阻塞交通要點,到時大家唔返工都有藉口呀,咁咪可以齊齊罷工囉。

任何一項行動成功都唔可以見好就收,否決政改就算,起碼都要爭取到公民提名。

9 up 完畢,大家仲有咩好橋唔該提議下!

題外話:

有人張施伯伯單案同肥仔單案比,因為大家都犯咗法,大家都想講酌情權,不過我又覺得兩單案係有唔同。

施伯伯單案係反映個保安員發牌制度有問題,而且律師都只係想用酌情權判輕啲。

不過肥仔單案呢,我覺得即時譴反非法入境者依個制度本身係無問題,不過工賊就要用酌情權破壞個制度,要求俾居留權肥仔。

所以兩單野好難相比。