首先利申:我已經好耐冇睇TVB,無奈改變唔到屋企人,所以我每晚無論食飯或者係房都會聽到「經過那些年~~」嘅轟炸,我心入面只能祈禱呢套《華麗轉身》快啲收皮。

大佬呀,仲比唔比人食餐安樂茶飯架?

有時我會諗,係咪我呢啲細路聽唔慣老派唱法,先覺得汪明荃唱嘅係魔音?

但係甄妮夠係老一輩啦,但我覺得佢唱歌氣勢好澎湃好好聽;小鳳姐一樣老派啦我最鍾意佢首《喜氣洋洋》;蔡琴夠老啦掛,但佢嘅低音真係冇得頂,聽出耳油,所以我諗問題唔係出於年代差異—

而係汪明荃唱歌真係好撚難聽。

汪阿姐個種鏈住春袋(唔好意思,佢應該冇春袋,嗯…陰核?)嘅唱法我真係唔識欣賞,一味將個音飆高,但佢飆高音又唔係個種渾圓悅耳嘅高音,只係一味刺耳,搞搞下我而家都好驚夜晚八點半嘅來臨,唯有匿埋係房,諗住搵個耳塞塞住對耳,再唔係就聽返啲重金屬音樂辟邪啦—

冇用架!佢把聲已經入咗我腦,搣唔走啦!

如果汪明荃真係一個歌手,咁都話可以由市場慢慢淘汰佢,最慘係佢響大台係阿姐級,於是佢可以匿係個電視台度,一直去開佢嘅技安演唱會,劇集主題曲唱完一隻又一隻,然後電視台啲擦鞋仔就會走出嚟讚:「哇!阿姐嘅歌聲真係聽出耳油啦!」屌那星,根本演藝圈就好似《國王的新衣》入面班蟻民一樣,冇一個人夠膽行去阿姐面前同佢講:「屌!你唱歌真係好難聽呀!咪撚再唱啦!」

唔通真係要等到「永遠懷念汪阿姐」個陣,我地先至唔使再聽到佢把美妙歌聲?