上次《cult噏》刊登之後,有朋友同我提議,不如喺你介紹第二齣Cult片前,先講解吓咩係Cult先啦,等一啲初次接觸哩個電影類別嘅讀者有個認知先。

好,咁筆者就講解吓~~何謂Cult片?


 

Cult片係指拍攝手法創新、題材冷門、風格異常、帶有濃烈個人觀點、富有爭議性嘅故事 。

通常都是低成本製作,不以大眾市場為主導嘅電影。

換句說話嚟講,即係屬於非主流領域而又喺特定族群中大受歡迎嘅電影作品。

[侦探物语].Detective.Story.2007.DVDRip.XviD-GiNJi[(066152)05-28-20]

三池崇史—偵探物語 Detective Story (2007)

Cult片另一個特點係類型多元化,可以係科幻片、恐怖片,又可以係黑色喜劇、實驗電影等等。往往更會混入色情、暴力、大量粗口以及各種荒誕怪雞劇情。各種標榜著另類同絕不妥協口號嘅電影,都可以成為Cult片。

但係大家唔好以為Cult片一定要大量血漿,血肉橫飛,好多人會將Cult Film同低俗電影混為一談。首先請大家搞清楚,好多血肉橫飛嘅電影的而且確歸類為cult片,但cult唔一定要係血肉橫飛嘅電影。

《力王》算係其中一套血肉橫飛的Cult片。

《力王》(1991)算係其中一套血肉橫飛的Cult片。

如果去Google「Cult Film」,維基百科大概會咁講:

「邪典電影(Cult Film)是指那些在小圈子內被支持者喜愛及推崇的電影,也可稱為非主流電影或是實驗電影、另類電影。這種電影通常難以獲得小圈子外的大規模票房成功。它不是一種嚴格的電影類型,也不是一種電影風格。」
其實維基嘅哩個說法並冇錯誤,但就唔夠深層分析,好易令人混淆咗Cult片一係係票房差少人認識嘅電影。

好似《martrix》、《star wars》都可以被分類喺cult裡。

你地可能會覺得將《star wars》、《matrix》分類咗落「Cult片」裡係咪搞錯咗呀?

其實並任何錯誤,就定義上他們的確都算「Cult片」。

有一本書叫做《The Rough Guide to Cult Movies》,裡面就以Cult喺字典裡嘅意義開始闡述Cult Film嘅解釋。

書裡提到如果我地查字典,Cult(名詞)一字會被解釋為異教派、(對某人或某事物、某思想)狂熱崇拜甚至迷信或被瘋狂膜拜嘅人、事、物」,代表能夠「以儀式上形式傳達嘅宗教系統」或者「對某事物狂熱崇拜與奉獻」(特別係少數族群)。

因此當cult延伸到電影裡應用意義就變成「因為太爛所以太神級」,或者「擁有足以讓人以宗教方式崇拜的魅力」(例如:《star wars》)。

唔一定要冷門先算Cult,《星球大戰》一樣符合Cult片定義。

唔一定要冷門先算Cult,《星球大戰》一樣符合Cult片定義。

當然經典嘅cult片有好多,冷門另類嘅cult片更加多,口味亦都大不相同,總之因人而異。喜歡嘅人就係喜歡,唔喜歡嘅人無論你點迫佢去睇都就係唔喜歡。

假如你認為自己睇過昆頓·塔倫天奴、三池崇史、塚本晉也哩班導演嘅電影就已經感受到無盡影像上暴力或思想上污染嘅話,咁你最好就唔好去睇更多更另類更重口味嘅Cult片,否則,你個腦會令你顛覆傳統電影意義,甚至迷失方向,扭曲咗傳統認知。