讀商科既朋友都會聽過Maslow’s Hierarchy of Needs,內容大約係話人要滿足到最基本嘅生理需求,先會去要求其它進一步嘅野,第二層係安全感、第三層係感情關係、尊嚴就放左係第四層,僅次於人生目標。的確食物空氣同埋水係人要生存最基本要有嘅野,但咁係咪代表基本身活有困難嘅低下階層就唔需要受到尊重?

尊嚴每個人都會有,難過嘅其中一個原因就係你覺得尊嚴受到踐踏。好似一個籃球好手喺街場比人大炒,佢會覺得冇面;一個一直名列前矛嘅學生跌出頭三,佢直頭會喊出黎。如非必要,冇人願意做一啲放棄尊嚴嘅事,行乞嘅如果唔係走投無路都唔會跪喺條街等你施捨個大餅比佢(中國人除外),掃街、倒垃圾、通渠等一手一腳搵辛苦錢更加唔應該受到人地白眼。我曾經聽過一個故仔,係話有一家人屋企窮到傢私都唔多件,有錢都用黎買奶粉比個岩岩出世嘅仔,但有幾十蚊係個老豆點都唔肯用,話係佢地最後嘅尊嚴。到某一日有人發現佢地全家燒炭自殺,喺包炭旁邊有張單據,原來個老豆留嘅果幾十蚊就係買一包炭嘅價錢。有人寧願放棄生命都唔願意捨棄尊嚴,因為尊嚴對好多人黎講,就係做人最基本嘅底線:當你連尊嚴都捨棄埋嘅時候,就算生存又有乜野意義?好多後生仔為左理想就算挨餓挨凍都要去闖去試,好多人為左尊嚴就算飯碗隨時不保都唔肯退讓半步,咁樣唔係硬頸,唔係做人唔識轉彎,而係佢地有佢地做人嘅原則同堅持。

為左尊嚴而寧願家徒四壁嘅人,總比而家香港果堆為左高薪厚職而出賣人性尊嚴嘅議員高官好。比起一班連第一層基本生理要求都未必滿足到但都唔肯放棄尊嚴嘅人明明第一二三層要求都滿足哂但繼續為左金錢而出賣自己嘅果班野(例子:民建聯全體、警察)仲點叫係人?叫佢地做畜生禽獸,其實都唔係過份。