IMG_9336

今年流皇叔一早就走去搵車公幫香港抽左支簽,更即時盲解為「腥港人應該袋住假政改先」,我地睇下佢抽左啲乜。

第二十簽,中簽
晨粧露彩髻邊雲,玉佩珠顏錦似銀
色則是空空是色,觀音曾勸世間人

解曰:
不可貪心,自身平平
家宅平安,求財半遂

斷曰:
家宅惜福,占病不祥
自身男莫好色,女莫艷飾,出入忌炫耀
婚姻不合,求財須散財積福

咁多年來,皇叔都係幫香港求簽,所以支簽嘅說話對象,唔係小屎民,而係向特衰政苦,尤其是六八九之流講的。將支簽夾硬指向小屎民,似乎於理不合。支簽講嘅,我會分成幾部份:

一、唔好死充,唔好死撐,經濟變差就應坦然面對。
二、姻聯關係緊張(例如一腳兩制果類)。
三、但總體黎講,腥港都算係平平安安,無乜大單野會發生。
四、有錢就唔好留攬住做守財奴,應該做啲野幫自己積福,同其他地方打好關係。

簡而言之,羊年係呆滯嘅一年,無論係經濟定係正字都無乜進展,不過可先做準備功夫,打通人脈,當時機一到,定水到渠成。至於假政改呢?似乎無乜點提過,更加唔好話叫人袋住先了。

*** ***

同時,沙田區議會幫新城巿廣場抽左支簽,我就唔解喇,大家睇下支簽有幾「下簽」吧。

第卅二簽,下簽
聞道今宵是上元,銀燈火樹耀長天
無端一陣狂風雨,萬家燈熄斷管絃

斷曰:
家宅哀愁,占病防送終
自身越風光越凶險
出入不宜應在家悔過
婚姻凶,求財虧本

點解會突然「萬家燈熄」?我很期待。