上網睇新聞,睇評論,成日都有人講光復鼓吹港獨,又話係中共計劃嘅一部份,唔好中計。另外又有人話光復就係打擊水貨走私,取消一簽多行。我心諗,而家香港一早已經無政府狀態,你哋仲要求個賣港政府幫你做咩啊?出來光復就係要替天行道!趕走班賣港狗賊!還我本土商販特色!

香港淪陷,唔係因為中國人殖民,輸出劣質文化,而係因為有一班人不斷搬龍門,表裡不一。光復行動一出,蕭生怒插,大公抹黑,左膠瘋狂讉責。佢哋成日叫你跟佢哋果一套去改變制度,改變社會。佢哋一早已經係既得利益者,永遠只會用制度剝削你。左膠,就係見你俾人剝削就做一個抗爭產業出來,叫你不斷搞社運,雖言非暴力抗爭,但經常從中吸水。左膠最叻就係虛偽地為XX、YY主義站台,心入面其實都係資本主義嗰套。初時就支持資本家,用資本家一套去反對什麼資本家的XX、YY霸權,再將個問題訴諸制度,對準政權,然後有人會講,咦,屌你老母個制度係虛無喎,咁即係人性問題呢,人性太醜惡啦,大家要對準人性問題。最後有人覺得人性本惡,又好正常;人性本善,又太正常,咁咪乜都唔好做囉。有時,佢哋仲會授乜嘢主義乜嘢學說去拋人浪頭,博人地唔識就讚好或者同意。言者有心兜圈,聽者無意深究,久而久之,冇人敢挑戰左仔理論之餘,更加冇人會鬧人硬膠講膠話。喺呢個風氣之下,好多人就可以為自己講過嘅嘢搵個理由去推塘,可以為自己想要嘅嘢呃到底。上至習近平、梁振英、長毛、下至村長、周永康、黃之鋒、歐陽廣榮、已經係活生生例子,大家唔熟可以上去Google Search 再喺 Facebook 度同我深入討論。

呢個世界,物競天擇,適者生存,自古以來都係冇得變。班羊群要用契約方式去解決問題,自比為上帝,騎劫眾人意志之上,已經係違反優生論同森林法則。契約、制度本身就係要班羊群一定要跟某個規則下生存。幾千年歷史已經講咗俾我哋聽,道德、宗教和公義根本是無絕對定義,只有人性係最真實。只不過,因為現今尚且太平盛世,個個都仲相信手上嘅銀紙可以買嘢。錢銀有粒數字(Quantity) 有個比例(Scale) 可以量度價值,先大家知道個制度,同埋個遊戲規則。只係,制度計漏左人性。

制度,遊戲規則,不嬲都虛無啦,虛無,咪有位俾班羊群係度搬龍門囉。根本最實質存在嘅就係人性。偽善、反智、自甘墮落呢啲人性劣根一日唔改,香港人一日都冇得靜靜地食一餐安落茶飯。只要個制度整左出來,但唔去改變制度,反對沿用自然法則生存,框死人群滅絕嘅生存本能 (basic instinct) ,係必然結果。當一群羊淨係識得食圍欄內嘅草,最後只會等俾狼食或人食。香港人失去生存本能同常識,就算俾你城邦建國,俾你成為地球第一,國運都唔會長久。

制度改變唔到,只有還拖。社會上嘅講法,就係 - 起義,或者係 — 光復。你可以話係革命,但革命多數都係改左制度,冇改到人性。喺香港,一個比較成功嘅反擊,我地叫佢做光復。

好多人講光復上水、屯門、沙田‥‥‥等等,係針對拖篋土豪,針對自由行制度。以上我覺得不足夠形容光復嘅精髓,光復就係報復,替天行道。你同人講光復上水,城邦建國係解決政治問題,不如試下問參加嘅人識唔識城邦論、民族論。我相信你講一句中共打爛我地飯碗,搞到冇得食冇得住已經好足夠啦,拖到一大班人出來踩旺個場。睇過《American Sniper》、二戰 Churchill 轟炸漢堡反擊德軍都知,俾人蝦就要還拖。更加重要嘅係,光復係伸張正義,令香港行返森林定律。天道,就係森林定律。老子學說重視天道,即是自然定律,人道要順應自然,暗示人心和制度應順應自然法則去發展,才可以生存和興盛。換言之,報復就係稱義求存,順應天理,邊會搬咩咩主義咩咩政權不公呢尐花拳繡腿去限死自己呢?

出到來光復,仲要講我要真普選,實行和平理性嘅公民抗命?你為左保住自己條命,搶返個話事權,你遲早都要做牧羊犬反擊班狼啦。打起上來,你唔殺隻狼,隻狼就會殺左你,邊有得退場?上星期日沙田一役已經足以證明,上來光復,你冇得估,只係可以最壞情況下作好打算,勇武還拖,唔係就會俾差人捉到警署強姦。喺電光火石之下,你仲要同班魔鬼講道理?你一早死左啦!

所有出於本能嘅防衛,還擊,報復係幫人出頭,替天行道,警惡懲奸。光復,重奪議會,什至獨立建國,又點會唔係出於本能,順應自然呢?

封面圖片:SocREC 社會記錄頻道