每一架巴士經過15-17年既工作之後就會比人拎去劏車場支解,但有少部分既巴士因為有佢既歷史價值而得以保留,例如「全球第一部空調巴士」及「香港最後一部熱狗」等等,但其他冇咁好彩既車最後既終點站就係劏車場。好彩既係有部分巴士因為有有心人而得以保留,不過可惜既係,保留一架巴士須要投放大量既資金,淨係要租地、維護、保養等等,都係天文數字啦!香港既士地資源寶貴,有地都不如去起樓,所以最後安置呢啲保留巴士既地方都一定近一啲回收場、貨櫃場、鐵皮屋等等,最後一著火就一定會波及呢啲巴士。

AEC Routemaster. Photo:ctbvolvo

AEC Routemaster. Photo:ctbvolvo

好似今日錦田石湖塘咁,因為一間鐵皮屋著火,就波及到隔離2架保留巴士,其中一架就係城巴於八十年代引入既AEC Routemaster。呢架巴士可以話係經典中既經典,可以話開創香港巴士業既先河。不過香港對古典巴士既興趣不大,最後呢一批巴士只係得#1繼續行走,‪#‎2就係圖中此車‬,另外#3#4就一早被拆毀。雖然有消息指此車係零件車供應零件給#1,但車身經過十多幾年來的洗禮都保全得幾好,可以作靜態展覽。但一直冇人理佢,到左城巴火炭車廠因為要起樓所以先被賣到劏車場準備支解嘅時候,先至比有心人買起安置於此。

其實要保留呢堆退役巴士,最簡單直接既方法就係起一間巴士博物館,專門保留呢啲巴士,但政府一向都係向錢看,個腦只係識起樓起樓起樓,從來冇係呢方面諗過。曾經有人建議係啟德新發展區起一個連同巴士既交通工具博物館,但竟然話因為近海會令啲車生鏽,所以否決。最後呢堆車就繼續擺起啲危險既地方,最後會因為其他因素而一架又一架消失。