最近見到依單新聞真係又火滾又唏噓。

上年都有同朋友一齊去湊熱鬧,你話啲野係咪超級好食呢?又唔係嘅,不過依個地方可以勾起我好多童年回憶,見到喺街邊有魚旦、炸大腸、布拉腸粉 、串燒,令我覺得依個地方就係香港。

你話衛生同安全會做成問題,ok, 但係點解香港唔可以好似北京同台灣咁成立有規管之下嘅夜市呢? 睇下王府井同台灣多個夜市都成為旅遊熱點(我當然係捧場客)同當地人聚腳地就已經係成功例子,所以我真係好難明點解唔做下類似野,一來可以增加香港地道特色景點吸引遊客,又可以創造低成本階梯,唔道政府會諗唔到依點咩?

就算政府真係諗唔到,其實09年蔡欄積極提議喺天水圍搞大排檔城,但被政府拒絕,後來撰文大至如下:

最後得到發展局的通知,是說我們只徵求你們的意見。因為你們提出要政府出錢搭棚,所以我們不幹了。
我收聽到後回信:「政府既然不肯出錢,一早說明好了。不出錢也有不出錢的做法,我們可找人來投資,怎麼用不出錢這個理由來回絕?」

由小道消息傳來的是:發展局局長林鄭月娥與傳媒茶敍時透露,該地皮將以短期租約形式租出,可能用作停車場以配合濕地公園日後的發展。

文中結語:
『請諸位高官反省,在夜闌人靜時,撫心自問,此世做人,羞不羞恥?』

今日睇返句結語真係好感慨,「高官羞不羞恥」。不,林鄭等高官基本不知羞恥。

至於趕絕小販政策做成嘅其中一個後果其實同高鋪租現象一樣,就係一個一個有香港地道特色嘅地方同聚腳地漸漸消失,令香港人對香港歸屬感減少,難道依個先係政府真正期待畫面?