老老實實,香港冇幾多跑手會滿意渣打馬拉松安排,一味淨係谷人數,太多人賽道梗係混亂喇,跑全馬嘅跑跑下中途插一堆跑到無晒氣嘅半馬人入黎阻住條路都夠膽死,跑過銅鑼灣仲要俾人鬧阻住過馬路,而最多人參加俾田徑總會(田總)賺得最多嘅10k 賽更被認為已成百萬行,最攪笑係田總以參加人數之多黎炫耀渣馬係國際盛事仲要有人信先死。

所有去過外地跑馬拉松嘅都會覺得渣馬係垃圾,係日本跑唔會成條路迫爆,仲會係街見到市民組織儀仗隊同有人自發派野食,之前有香港都有人組織自發派野食俾跑手,結果係俾人趕走,渣馬俾跑手投訴多次田總都無聽取意見改善,田總根本無心攪好一個真正馬拉松。

真相係個比賽只有益咗田總掠水同請689果啲高官開幕攞彩,即係田總借跑手做佈景版察班高官鞋,今年仲要請如慈母般的禿鷹主持全馬開幕,禿鷹叫人放催淚彈,放癲狗打人,佢唔係真係覺得禿鷹係慈母呀? 田總仲請隻畜牲黎佢根本就無尊重過香港人!

雖然一直都有人發起抵制不參與渣馬,不過可悲嘅係香港人有羊群心態,會一窩蜂做同一件事,有人就中咗 CCTVB 魔咒,一路鬧一路參加, 每年參與人數就不斷增加,今年仲有成73,000人,每人$300即係俾咗參不多2千2百萬俾依個不義機構。

作為知情跑手應該對田總施加壓力,亦要俾香港人知道真相。

係比賽時會有好多外國記者,噓爆田總同政府要佢地柒出國際就梗嘅,大家可以參與以下活動

召集渣馬跑手,噓爆秃鷹林鄭

但係叫口號無成果依啲野已經做咗好多年,我地應該做得更多,提議如下:

  • 各項比賽選手在鳴槍後在起步點站立不動,阻礙比賽進行
  • 就算無參加嘅市民都可以跑上賽道參與
  • 大叫田總察鞋掠水
  • 大叫警渣濫用暴力,製造白色恐怖
  • 大家自行決定做咩,我相信群眾

唔好覺得攪串個比賽會令香港無面,因為佢根本係個唔光彩嘅比賽,個比賽只係利用香港人,所以無咗都唔洗恨。

市民亦請留意以下途經經地點都係「聚集打氣」好地方:

起步點- 尖沙咀彌敦道(近美麗華酒店) (大清早)

龍和道(東行) -> 分域碼頭街(東行) -> 會議道(東行) -> 鴻興道(東行) -> 馬師道天橋 ->
駱克道(東行) -> 東角道 -> 紀利佐治街 -> 告士打道(北行) -> 銅鑼灣維多利亞公園

不過小心到時政總會駐重兵,量力而為 ,見機行事。

記住1月25日見!

參考資料:

渣打馬拉松詳細路線

林鄭「一哥」主持渣馬起跑