臉書有如洗版一樣,話「今日唔係完結,而係開始」。你問吓你自己,你會開始做啲乜先?

正如大部份人所講,革命無乜幾何會一次搞掂,咁最終,點先會成功?其實就同今日嘅香港人唔再怕催淚彈一樣,每一次暴政比小屎民反擊過後,發現原來呢個程度嘅民怨係可以無視的,就會比之前更加離譜,於是今次可能得廿萬人出嚟,下次就會迫到卅萬人出嚟。但卅萬人你覺得夠唔夠照?呢卅萬人面對嘅警犬唔會再好似今日咁斯文,下次唔會只得流少少血就可以了事。小屎民同暴政嘅衝突只會越來越激烈,大家用嘅武力級數只會越來越高,直至出現連死都唔怕嘅一群出現,事情都仲未可以完結,呢個狀態會維持相當長嘅一段時間,去到最終有突破口出現,先可以平息整件事。

就算有病要食抗生素都唔可以停藥,你食到一半,見到自己似乎無乜事就停藥,清唔晒啲病原體就停藥,個病就會變得比之前更嚴重,亦對抗生素有免疫。更何況今日臭港病情只得丁屎咁多改善就停藥,最終升級戰在所難免。

於是,「開始」呢兩個字,對你黎講,只係一個口號,定係一種真正嘅覺悟?你知唔知呢兩個字,何其沉重?