衰嘅女人我地會叫蕩婦,而男人基本上都叫賤男。蕩婦衰黎衰去都係果幾樣,而賤男變化就比較多,打女人係賤男、呃女人係賤男,食軟飯都會比人叫賤男。但身為中文名師嘅張欣欣為咗令各位同學仔更了解賤男為何物,不惜將多種賤男特徵放哂係自己身上,等大家一見到佢唔洗多講就即刻「哦,咁樣就係賤男啦。」

一個典型嘅男人最想做嘅係咩?咪就係自己有能力養起個老婆唔洗佢返工,最多係自己開鋪嘅咪等佢得閒返去比人叫下老闆娘,睇下盤數簽幾個名就閃得果隻。當然唔係個個都可以做到啦,但最起碼都想個老婆過得舒服小小。你睇下明星拍拖最怕係乜?咪就係戀情公開咗狗仔隊煩住自己老婆,搞到一個女人連小小私人空間都冇。但係張欣欣唔單止唔怕老婆比人煩,佢更加怕大家唔知道邊個係佢老婆,得閒就係面書提下佢同佢老婆乜乜乜,之後佢又麥麥麥咁,好完美咁免費用自己老婆幫自己造新聞。睇左佢幾篇廢話之後,我都忍唔住封鎖左佢嘅消息,真係好煩,亦替佢老婆慘。而啱啱網上流傳咗篇有關張欣欣點搞大學生妹個肚,點背住老婆偷食之類,消息係咪確實就同之前另一位名師「懷疑」叫雞一樣仲未知住,但網上同我朋友都信當中啱內容,點解一向多疑啱網民會咁快肯定佢就係賤男呢?冇啱,咪睇平時佢份係點囉。

我一向對所謂啱補習天王冇咩好感。教師除咗係份工,佢既責任亦非常之重要,到底會教出勇於企係街頭為香港爭取一切嘅學生定係一班DSE炒哂之後就去為兩雞野出賣良心嘅黑警呢?老師起到好重要嘅一步。老師人工高係因為佢嘅知識同埋依份責任,所以要比返相應嘅回報,咁係正常;但係一睇堆所謂名師試過話搵過百萬,然後又為咗咩肖像費之類嘈一大餐,而張欣欣都當自己個PAGE係廣告平台連活學想搵佢SELL兩句都問你拎錢,一個重利重到咁嘅人到底會點教班學生?定係真係用埋自己名氣同錢銀去呃果班學生妹?家長們自己諗下,特別如果你果個係女的話。

如果我搵到錢,我係會叫自己至愛唔好返工啦,出去搵朋友行街睇戲食飯啦。悶啦?去旅行囉,我有假我同你去,冇假搵你朋友陪你去。借佢個名宣傳?我係男人黎喎大佬,何況我係有料嘅洗靠爆我私生活嚟吸人氣?就算明星都唔鍾意人下下望實哂,想有私人空間,何況我老婆係個凡人呢?張欣欣先生,不妨多諗一下你老婆嘅感受啦好嘛,如果你唔係一個賤男的話。