屌你老味講起我就㷫過火屎。
最近小弟開始棄用八達通,
一黎明白八達通背後黑暗醜惡嘅運作,
二黎就係小弟已經唔撚再係學生。
咁只好回到最原始嘅狀態 - 買飛。

老老實實 ,講起買飛我估依家嘅中小學生由出世嗰日開始可能都未買過飛,
唔會明白嗰種刮銀仔括到感應器磁通量改變先認到你個爛鬼十蚊銀嘅痛苦。
呢刻我諗我明白嗰d老屎忽點解成日屌鳩我地呢d九十後未捱過,
出世出得遲真係原罪嚟。

咁好啦 so far 呢啲都係小問題,
真正嘅敵人其實係輕鐵嗰部濕鳩購票機。
呢部野嘅特別之處在於佢殺人於無形,
永遠唔會係你發現佢出事嘅時候陰你。
點解咁講?
事源老子我住屯門,
出入大小事都要搭輕鐵。
正常就帶定啲毫子幾蚊入機買飛,
之不過好多時候你入五毛嘅話部機會認唔到你個銀仔。
根據物理學嚟講主要原因係叫做硬幣無法令感應器磁通量改變,
咁可以做嘅可能就係刮幾野再入多次,或者直接入個五蚊落去等佢找。
大家都知道二區去三區要$4.5,
咁我入五蚊落去理應就應該找個五毛比我。
啊屌你老味,佢竟然找五個一毫比我!
一毫子係依家呢個世界除左搭車之外,幾乎係零購買力。
係五毫我都唔想你找嘅情況下你竟然比五個一毫我?
乞衣都唔要啊!!!!
okay fine 唔撚緊要,老子我回程嗰時用返嗰五毛咪得囉。
咁我就袋撚住嗰五個一毫上天下海出生入死,
終於捱撚到回程搭車買飛。
我逐個逐個一毫入落去,
部機逐個逐個跌返出黎。
然後我望一望部機個說明,
屌你老味,原來佢唔收一毫!
唔收一毫你又做乜鳩找咁撚多一毫比我啊?
識唔識乜野叫己所不欲,"must"施於人啊屌你老母!

我用一拳打左落部機,
忽然間聽到部機入面有人「啊」左一聲,
原來入面唔係乜柒磁通量改變,
而係真係有人喺入面。
嘿,呢一刻比我知道原理你唔駛旨意走,
我即刻拎條鐵線開撚左部機,
拉撚左條友出嚟,
我扯撚住頭髮同佢講:「你以後仲夠唔夠膽找一毫?」
佢答話呢啲係公司規矩嚟,唔改得。
咁我揼左佢一身,
再問佢敢唔敢,
佢話唔敢,
之後就放佢走。

咁我以為乜事都無,以後可以收返五毛啦…

咁今日我又入左個五蚊落去,
而部機又彈左五個一毫嚮眼前,
我最唔想出現嘅畫面又出現了….