20141024_214741.jpg

老老實實,我真心覺得雨傘革命最大嘅好處唔係全民覺醒,唔係爭取到政府同學聯對話,而係可以驗證下你識朋友有冇眼光。

呢個月以嚟,你可以睇下自己個Friend list,如果清一色黃絲帶,恭喜你,你識嘅朋友未必好叻,但有起碼嘅良知同人性,是非黑白仲算分得清楚。如果係藍絲帶比較多,咁你交友真係有點兒不慎,因為你呢啲朋友,可以支持非禮、支持黑社會打鳩人、支持警黑合作、支持魔警拉人入暗角打,同埋扯記者條呔,拉到人地就快窒息。不論係智商同道德觀,你呢啲朋友都係低下的。喂!唔好話咩個別事件呀,唔好話一單還一單呀,戴住同一條絲帶,就係搭同一條船,好野醜野都要一齊受(雖然我見唔到藍絲帶有咩好野)有得你選擇性支持架咩?學返你地話齋,總之你地用暴力就係唔啱!

藍絲帶朋友都未係最惡頂,因為無論呢啲人有幾弱智,有幾賤格,佢地都係歸咗邊,立場鮮明。最仆街嘅係個啲五顏六色嘅絲帶,咩黃加藍變綠呀,有啲就彩色都夠膽死,呢啲係咩人呢?就係唔想歸邊,唔想押錯注,咁咪邊方都唔支持囉,咁咪唔會比人罵夠哂面面俱圓囉!如果你朋友係藍絲,你將來有事要幫忙,佢地都可能會出手,但我肯肯定班彩色絲帶Friend唔會幫手,點解?因為呢班友船頭驚鬼船尾驚賊,只係會顧自己,幫咗你容乜易得失其他人?

好多人因為今次運動互相unfriend,但計我話就不必,但日常生活,最好同呢啲人維持返係hi bye friend啲嘅階段就夠,唔好交心,亦唔好期望第日有事佢地會幫你手,咁就ok了。

當然,朋友就易搞,父母都係藍絲帶先至慘,最弊係冇得unfriend佢地,仲要大家同一屋簷下日日聽佢地鳩屌,同佢地吵大鑊,所以我話689一定要落地獄,就算完全唔講政治,佢搞到香港一個月內出現咁多破碎家庭(我吹大咗少少) ,就已經夠呢個陷家剷落地獄最底層嘅無間道終生監禁。