喺城市論壇當中,蔣麗芸成功咁演繹出最佳既反面教材:牛頭唔搭馬嘴、遊花園、照稿讀、內容重複。如果大家照我地依位議員嘅表現去考試,包你U硬。建制派大部份議員都係水平比較低已經係公開的秘密,我只係估唔到佢地仲好鍾意自暴其短,一個講野唔叻既人去城市論壇,比人一句「公平喺邊」就收左皮,我真係聽下維園阿伯講粗口都順耳過聽你廢嗡。所以曾主席之前喺立法會忍唔住叫芸姐收嗲,我相信佢都忍左好耐。

你話佢搞到咁係家族遺傳咩?佢老豆係塑料大王,佢阿妹做過下藝人歌手又可以繼承到父業(後生仲幾靚女添),偏偏就係個家姐唔生性成日出黎獻世,都唔知係咪基因突變。又有可能係入左民建聯跟得班低能黨友多,所謂近墨者黑嘛,要你日日同鼠王樹根亡國興猜MY波一齊返工,我諗冇幾多個可以好似曾主席咁保持到理性思考。立法會同香港嘅未來居然比依班人主導住,真係聽到都喊三聲,而家仲要耐唔耐同另一班高官出黎話支持警察執法同相信佢地行動云云,仲唔知自己咁做係一直將警察推向死路。示威者一直忍班警察,但政府議員就一直曲線推警察埋暗角,咁得意嘅畫面係得香港先會發生。

袋住咁高人工加津貼,結果出親黎都係大喊大叫,投票都要畫定張紙揀紅定綠燈。喂大佬,咁高人工冇自主思考能力?投票唔係諗內容而家聽上邊柯打?市民講既野你當廢話,只會為自己去坐郵輪唔係行足全程而死追難追最後追返果一千幾百返黎?仲有面出黎城市論壇,你當城市論壇嘅主持學生嘉賓同你黨友一樣咁低能咩,佢地講開人話,有內容、有深度、有Point的。麻煩蔣麗芸同學你都係坐返低,出小句聲,已經係對所有人最好嘅貢獻--盟友唔洗怕你講錯野,我地唔洗聽你講廢話。