今日拜讀了一篇文章, 一篇消息

唐柏橋:中共對付雨傘革命路線圖

我知大家怕睇長文,簡介:
共產黨出了四招,施放催淚彈驅趕抗議人群、暗中指使黑幫和惡棍去示威現場挑起事端、開動文宣機器和輿情工具、及釋放所謂的善意,但一一被有經驗行動者識破,武功幾乎全廢,現在正進入分化發起人領導抗命行動的各方力量,包括佔中發起人,各民主黨派領袖和學生領袖等。還有一招不太可能用的,軍隊鎮壓。

689 旺角驚天大陰謀

我知大家十幾分鐘寶貴,簡介:
D100聽眾社工吳先生,被通知無需到旺角支援學生,又撤走警察,稱見到紋身人士刻意擴大戰線,有人假扮支持佔領,實際挑動在場人仕情緒。

兩篇內容不謀而合。先講金鐘,金鐘已經大會化,參與門檻低,適合安全至上嘅參加者,優點係人數多聲勢大易入口,缺點係幾多人都好,和理非非對政府無壓力,而且人群偏向由大會代理,容易出現被談判代理解散,但談判結果不代表我嘅情況。689用既招數係分化發起人領導抗命行動的各方力量,務求有一方慢慢妥協,減少人數。而唔想被代理但又係金鐘既人,如果知道被解散,一定會唔妥去其他佔領區如旺角。

再講旺角,689正用<689旺角驚天大陰謀>中所講既招數,去營造「旺角好危險」既情況,目的就係唔想有人由金鐘分散去旺角,亦想趕旺角既人去金鐘,由上述招數打散民氣。無錯,旺角唔夠金鐘安全,但唔好因此失旺角,689或者中央嘅所有民謊鬥套路,我地都需要接得住,旺角係人鬼混雜,但要謹記:謊話永遠勝唔過真理,仁者無敵,文鬥上我地唔會輸。

我唔信中央真係唔俾限期689,只要我地證明俾中央睇,689所有招數都行唔通,限期到佢都要bye bye。之後一係妥協,一係鎮壓,中央你自己揀。

後話:
1) 因應自己能力支持佔領區,有人身危險記得準備後路,無命無得打
2) 政府派唔同人出黎叫散水,唔好亂信,因應當前情況理性分析
3) 哩場係一場仗

尼爾芬