最近喺Facebook除左普通的黃絲帶Profile Picture之外,亦有見一種新的黃藍綠絲帶Profile Picture。雖然小弟唔否定一部份警員的內心取態,但係對於呢一個現象唔感到樂觀,所以希望透過投稿提醒大家。

呢一種雖然可以俾一啲迫不得已執行任務的警員表明心跡,但係我絕對認為普通香港人唔好喺Facebook用呢一個Profile Picture。用一個例子作比喻,呢一個Profile Picture就好似愛滋病毒咁,當你唔小心用左佢的時候,或多或少會多左一份對執行任務的警員的同情。唔單止你自己,連帶睇到你個Profile Picture的朋友都會感染到。悲觀咁講,當大家感染到呢份同情,佢就會無意中好似HIV病毒咁,降低甚至消滅大家對警察的防禦同警覺。假如警察係呢段時間進行清場行動,可想然知會有咩悲慘的後果。

最後希望提醒大家,今次可能係香港最大同最有用的一次抗爭行動,有好多對抗爭冷感的人都被佔領人士的血淚所召喚出來。假如今次失敗,我相信我地唔會再有咁大的動員能力去再做一次,所以大家一定要提防五毛的筆戰心戰。即使相信香港警察中有有良心的人,但係都希望大家暫時槍口一致向外,因為不必要的同情絕對有能力令大家一敗塗地,敬請大家小心!

 

作者:清浦剎那